സീ​നി​യേ​ഴ്സി​ന്  ‘ബ​ട്ട​ൻ​സ്’  ഇ​ത്ര പ്ര​ശ്ന​മോ;  ത​ല​ശേ​രി​യി​ലും വി​ദ്യാ​ർ​ഥി​ക​ൾ ഏ​റ്റു​മു​ട്ടി; പ്ര​ശ്ന​ത്തി​ൽ ഇ​ട​പെ​ട്ട അ​ധ്യാ​പി​ക​യ്ക്കും മ​ർ​ദ​നം

ത​ല​ശേ​രി: ക​ട​വ​ത്തൂ​ർ ഹ​യ​ർ സെ​ക്ക​ൻ​ഡ​റി സ്‌​കൂ​ളിൽ ബ​ട്ട​ൻ​സ് വി​ഷ​യ​ത്തി​ൽ ന​ട​ന്ന റാ​ഗിം​ഗി​നു പി​ന്നാ​ലെ ത​ല​ശേ​രി​യി​ലെ സ്കൂ​ളി​ലും ബ​ട്ട​ൻ​സ് ത​ർ​ക്ക​വും മ​ർ​ദ​ന​വും. ന​ഗ​ര​മ​ധ്യ​ത്തി​ലെ സ്കൂ​ളി​ൽ ബ​ട്ട​ൻ​സ് പ്ര​ശ്നം ഉ​ന്ന​യി​ച്ച് സീ​നി​യ​ർ വി​ദ്യാ​ർ​ഥി​ക​ൾ ജൂ​ണി​യ​ർ​ വി​ദ്യാ​ർ​ഥി​യെ ക്ലാ​സി​ൽ ക​യ​റി മ​ർ​ദി​ക്കുകയായിരുന്നു. തുടർന്നു നടന്ന ഏറ്റുമുട്ടലിൽ നാ​ല് കു​ട്ടി​ക​ൾ​ക്കും മ​ർ​ദ​നം ത​ട​യാ​ൻ ശ്ര​മി​ച്ച അ​ധ്യാ​പി​ക​യ്​ക്കും മ​ർ​ദ​ന​മേ​റ്റു. ഇവർ ചി​കി​ത്സ തേ​ടി.

ഇ​ന്ന​ലെ ന​ഗ​ര​മ​ധ്യ​ത്തി​ലെ സ്കൂ​ളി​ലാ​യി​രു​ന്നു സം​ഭ​വം. വി​വ​ര​മ​റി​ഞ്ഞ് മാ​ധ്യ​മ​പ്ര​വ​ർ​ത്ത​ക​ർ സ്കൂ​ളി​ലെ​ത്തു​ന്പോ​ഴേ​ക്കും അ​ധ്യാ​പ​ക​രും ര​ക്ഷി​താ​ക്ക​ളും ചേ​ർ​ന്ന് പ്ര​ശ്നം ഒ​ത്തു തീ​ർ​പ്പാ​ക്കി.ഷ​ർ​ട്ടി​ന്‍റെ ഏ​റ്റ​വും മു​ക​ളി​ലെ ബ​ട്ട​ൻ സം​ബ​ന്ധി​ച്ചാ​ണ് ഇ​പ്പോ​ൾ വി​ദ്യാ​ല​യ​ങ്ങ​ളി​ൽ സീ​നി​യേ​ഴ്സും ജൂ​ണി​യേ​ഴ്സും ത​മ്മി​ലു​ള്ള അ​ടി ന​ട​ക്കു​ന്ന​ത്.

ക​ടു​ത്ത ചൂ​ടി​ലും ഷ​ർ​ട്ടി​ന്‍റെ ഏ​റ്റ​വും മു​ക​ളി​ല​ത്തെ ബ​ട്ട​ൻ അ​ഴി​ച്ചി​ടാ​ൻ ജൂ​ണി​യ​ർ വി​ദ്യാ​ർ​ഥി​ക​ൾ​ക്ക് അ​വ​കാ​ശ​മി​ല്ലെ​ന്ന സീ​നി​യേ​ഴ്സി​ന്‍റെ പി​ടി​വാ​ശി​യാ​ണ് പ​ല​പ്പോ​ഴും അ​ടി​യി​ൽ ക​ലാ​ശി​ക്കു​ന്ന​ത്.ജൂ​ണി​യ​ർ വി​ദ്യാ​ർ​ഥി മു​ക​ൾ ഭാ​ഗ​ത്തെ ബ​ട്ട​ൻ ഇ​ടാ​ത്ത​താ​യി​രു​ന്നു ത​ല​ശേ​രി​യി​ലെ സീ​നി​യ​ർ വി​ദ്യാ​ർ​ഥി​ക​ളെ പ്ര​കോ​പി​പ്പി​ച്ച​ത്.

സീ​നി​യ​ർ വി​ദ്യാ​ർ​ഥി​ക​ൾ ക്ലാ​സി​ൽ ക​യ​റി ഇ​ത് ചോ​ദ്യം ചെ​യ്യു​ന്ന ബ​ഹ​ളം കേ​ട്ട് ഓ​ടി​യെ​ത്തി ഇ​രു​വ​രെ​യും പി​ടി​ച്ചു മാ​റ്റു​ന്ന​തി​നി​ടെ​യാ​ണ് അ​ധ്യാ​പി​ക​യ്​ക്കും മ​ർ​ദ​ന​മേ​റ്റ​ത്. പി​ന്നീ​ട് സം​ഘ​ർ​ഷം ക്ലാ​സ് മു​റി​യി​ൽനി​ന്നു ഫു​ട്ബോ​ൾ സെ​ല​ക്ഷ​ൻ ന​ട​ക്കു​ന്നി​ട​ത്തേ​ക്കും വ്യാ​പി​ച്ചു.

ക​ട​വ​ത്തൂ​ർ സം​ഭ​വ​ത്തി​ന്‍റെ പ​ശ്ചാ​ത്ത​ല​ത്തി​ൽ സം​ഭ​വം പു​റം ലോ​കം അ​റി​ഞ്ഞാ​ൽ പി​ടി​വി​ട്ട് പോ​കു​മെ​ന്ന ചി​ല​രു​ടെ നി​ർ​ദേ​ശ​ത്താ​ലാ​ണ് കാ​ര്യ​ങ്ങ​ൾ ഒ​ത്തു​തീ​ർ​പ്പി​ലാ​ക്കി​യ​തെ​ന്നാ​ണ് വി​വ​രം.