കരുനാഗപ്പള്ളി ബോയ്സ് ഹയർ സെക്കൻഡറി സ്കൂളിൽ റാഗിംഗിന്‍റെ പേരിൽ വിദ്യാർത്ഥികൾക്ക് ക്രൂര മർദ്ദനമേറ്റതായി പരാതി. സ്കൂളിലെ പ്ലസ് വൺ വിദ്യാർത്ഥികളായ അതുൽ (16) പ്രണവ് ( 16) എന്നീ വിദ്യാർത്ഥികൾക്ക് ആണ് മർദ്ദനമേറ്റത്.
ഈ സ്കൂളിലെ പ്ലസ് ടൂ വിദ്യാർത്ഥികളായ ചിലരുടെ നേതൃത്വത്തിൽ 20 ഓളം പേരടങ്ങുന്ന സംഘമാണ് ഇവരെ മർദ്ദിച്ചതെന്ന് പരാതിയിൽ പറയുന്നു. പരിക്കേറ്റ അതുൽ പോലീസ് സ്റ്റേഷനിൻ എത്തിയപ്പേൾ തന്നെ കുഴഞ്ഞു വീണു. തുടർന്ന് താലൂക്ക് ഹോസ്പിറ്റലിൽ എത്തിച്ചു.
പരിശോധനയിൽ തലയ്ക്ക് ക്ഷതം ഏറ്റതായി ഡോക്ടർമാർ അറിയിച്ചു. ഏതാനും ദിവസങ്ങൾക്കു മുമ്പ് സ്കൂളിൽ തൊപ്പി ധരിച്ചെത്തിയ അതുലിനോടും, പ്രണവിനോടും തൊപ്പി ഊരിമാറ്റുവാൻ സീനിയർ വിദ്യാർത്ഥികളായ ചിലർ ആവശ്യപ്പെട്ടിരുന്നു. മഴ ആയതിനാൽ തൊപ്പി ഊരിമാറ്റാൻ ഇവർ തയാറായില്ല .തുടർന്ന് പല പ്രാവശ്യം ഇവരുടെ നേതൃത്വത്തിൽ ഭീഷണിപ്പെടുത്തുകയും ആക്രമണത്തിനു മുതിരുകയും ചെയ്തതായി പരിക്കേറ്റ വിദ്യാർത്ഥികൾ പറഞ്ഞു.
