ന്യൂഡൽഹി: നാഷണൽ ഹെറാൾഡ് കേസിൽ സോണിയ ഗാന്ധിക്കും ലോക്‌സഭാ പ്രതിപക്ഷ നേതാവ് രാഹുൽ ഗാന്ധിക്കുമെതിരെ നോട്ടീസ് അയക്കാൻ കോടതി വിസമ്മതിച്ചു. ഡൽഹി റോസ് അവന്യൂ കോടതിയിലാണ് ഇഡിക്ക് തിരിച്ചടി നേരിട്ടത്.
കേസിൽ അന്വേഷണ സംഘം കോടതിയിൽ സമർപ്പിച്ച കുറ്റപത്രം അപൂ‍ർണമാണെന്ന് കോടതി ചൂണ്ടിക്കാട്ടി. കൂടുതൽ രേഖകൾ ഹാജരാക്കാൻ ഇഡിയോട് കോടതി നിർദേശിച്ചു.
കേസിൽ രാഹുലിനും സോണിയയ്ക്കും നോട്ടീസ് നൽകേണ്ടതിന്‍റെ ആവശ്യകത ബോധ്യപ്പെടണമെന്ന് വ്യക്തമാക്കിയ കോടതി കേസ് മെയ് രണ്ടിന് പരിഗണിക്കാൻ മാറ്റി.
നാഷണൽ ഹെറാൾഡ് കേസിൽ ഇഡിക്ക് തിരിച്ചടി; രാഹുലിനും സോണിയയ്ക്കും നോട്ടീസയക്കാൻ കോടതി വിസമ്മതിച്ചു
