പെരുമ്പാവൂര്‍: കേരളത്തിൽ വനിതാ മുഖ്യമന്ത്രി ഉണ്ടാവണമെന്നാണ് തന്‍റെ ആഗ്രഹമെന്ന് കോൺഗ്രസ് മുൻ അധ്യക്ഷൻ രാഹുൽ ഗാന്ധി.
എന്നാൽ അതിന് കുറച്ചു കൂടി സമയം വേണ്ടി വരുമെന്നും രാഹുൽ പറഞ്ഞു. പെരുമ്പാവൂരിൽ യുഡിഎഫ് തെരഞ്ഞെടുപ്പ് പ്രചാരണ യോഗത്തിൽ സംസാരിക്കുകയായിരുന്നു അദ്ദേഹം.
കേരളത്തിൽ ഒരു വനിതാ മുഖ്യമന്ത്രിയുണ്ടാവുക എന്നത് തന്റെയൊരു ആഗ്രഹമാണ്. അതിനായുള്ള ശ്രമം താൻ തുടരും.
ഒരുപാട് കഴിവും കാര്യശേഷിയും ഉള്ള വനിതകൾ ഈ തെരഞ്ഞെടുപ്പിൽ മത്സരിക്കുന്നുണ്ടെന്നും അദ്ദേഹം പറഞ്ഞു.
