ഫുഡ് വ്‌ളോഗര്‍ രാഹുൽ എൻ കുട്ടി തൂങ്ങി മരിച്ച നിലയിൽ. ഇന്നലെ രാത്രി തൃപ്പൂണിത്തുറയിലെ വസതിയിലാണ് മരിച്ച നിലയിൽ കണ്ടെത്തിയത്. സംഭവത്തിൽ പോലീസ് അന്വേഷണമാരംഭിച്ചു.
‘ഈറ്റ് കൊച്ചി ഈറ്റ്’ എന്ന യൂട്യൂബ് ചാനലിലൂടെ ആളുകൾക്ക് പരിചിതനായിരുന്നു രാഹുൽ. ബുധനാഴ്ചയാണ് രാഹുൽ അവസാനമായി ഫുഡ് വ്ളോഗ് വിഡിയോ ചെയ്തത്.
രാഹുലിന് Rahul’s Food Scenes എന്ന പേരിൽ ഇൻസ്റ്റാഗ്രാം പേജും ഉണ്ട്. കൊച്ചിയിലെ വ്യത്യസ്തങ്ങളായ ഭക്ഷണങ്ങള്‍ പരിചയപ്പെടുത്തികൊണ്ട് സമൂഹമാധ്യമത്തില്‍ നിറ സാനിധ്യമായിരുന്നു രാഹുല്‍. ‘ഓ കൊച്ചി’ എന്ന പേജിലും രാഹുൽ വീഡിയോകള്‍ ചെയ്തിട്ടുണ്ട്. ഭാര്യയും രണ്ട് വയസുള്ള മകനുമുണ്ട്. ഏറെ നാളായി രാഹുൽ ബന്ധു വീട്ടിലായിരുന്നു താമസം.
ബന്ധുവിന്‍റെ വീട്ടിലാണ് രാഹുലിനെ മരിച്ച നിലയിൽ കണ്ടെത്തിയത്. മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.
