ആരാധകരെ അന്പരപ്പിച്ചുകൊണ്ട് ബോളിവുഡിൽ ഹോട്ടായി തിളങ്ങി തെന്നിന്ത്യൻ താരം റായ് ലക്ഷ്മി. താരം അതീവ ഗ്ലാമറസായി എത്തുന്ന ജൂലി ടുവിന്‍റെ ടീസർ പുറത്തിറങ്ങി. റായ് ലക്ഷ്മിയുടെ കരിയറിലെ ഏറ്റവും ഗ്ലാമർ പ്രകടനമാവും ദീപക് ശിവ്ദാസ് സംവിധാനം ചെയ്യുന്ന ജൂലി ടുവിൽ കാഴ്ച്ചവയ്ക്കുന്നത്.
ഹോട്ട് ലുക്കിലാണ് റായ് ലക്ഷ്മി ടീസറിലും എത്തുന്നത്. ബോളിവുഡിൽ റായ് ലക്ഷ്മിയുടെ രണ്ടാമത്തെ ചിത്രമാണിത്. തെന്നിന്ത്യയിൽ നിരവധി ആരാധകരുള്ള നായികയാണ് റായ് ലക്ഷ്മി. മലയാളത്തിൽ മോഹൻലാലിന്റെയും മമ്മുട്ടിയുടെയും അടക്കം പ്രമുഖ താരങ്ങളുടെ നായികയായി അഭിനയിച്ച റായ്‌ലക്ഷ്മി ബോളിവുഡിലും തരംഗമായിരിക്കുകയാണ്. അതിനിടെയാണ് നടിയുടെ ബോളിവുഡ് ചിത്രമായ ജൂലി 2 എന്ന സിനിമയുടെ ടീസറും പുറത്തിറക്കിയിരിക്കുന്നത്. ബീച്ചിലൂടെ നടക്കുന്ന റായി‌ലക്ഷ്മിയുടെ ചൂടൻ ദൃശ്യങ്ങളാണ് ടീസറിലുള്ളത്. സാഹചര്യങ്ങളുടെ സമ്മർദ്ദം മൂലം ലൈംഗിക തൊഴിലാളിയാകേണ്ടി വന്ന യുവതിയുടെ കഥയാണ് ചിത്രത്തിലൂടെ പറയുന്നത്.
ഹിന്ദി ത്രില്ലർ സിനിമയാണ് ജൂലി 2. ചിത്രം ഹിന്ദി, തമിഴ്, കന്നഡ, തെലുങ്ക് എന്നിങ്ങനെ ഇന്ത്യയിലെ പല ഭാഷകളിലായിട്ടാണ് നിർമിക്കുന്നത്. സെപ്റ്റംബർ നാലിന് സിനിമ തിയറ്ററുകളിൽ പ്രദർശനത്തിനെത്തുന്ന കാര്യവും പുറത്ത് വന്ന ടീസറിൽ കാണിച്ചിരുന്നു. ദീപക് ശിവദാസനി സംവിധാനം ചെയ്ത ജൂലി എന്ന സിനിമയുടെ രണ്ടാം ഭാഗമാണ് ജൂലി 2. 2004 ലായിരുന്നു ജൂലി പുറത്തിറങ്ങിയിരുന്നത്. ചിത്രത്തിൽ ജൂലിയുടെ കഥാപത്രത്തെ അവതരിപ്പിച്ചിരുന്നത് നേഹ ധൂപിയായിരുന്നു. സിനിമയുടെ രണ്ടാം ഭാഗവും ദീപക് ശിവദാസനി തന്നെയാണ് സംവിധാനം ചെയ്യുന്നത്.
