ബാഹുബലി സംവിധായകൻ എസ്.എസ്.രാജമൗലി മലയാളികൾക്ക് വിഷുവിന്‍റെ ആശംസകൾ ഫേസ്ബുക്കിൽ കൂടി നേർന്നിരുന്നു. മലയാളത്തിൽ തന്നെ “എല്ലാവർക്കും ഹൃദയം നിറഞ്ഞ വിഷു ആശംസകൾ’ എന്നാണ് രാജമൗലി എഴുതിയത്. എന്നാൽ ഈ ആശംസയ്ക്ക് സംവിധായകൻ ജൂഡ് ആന്‍റണി നൽകിയ മറുപടി കണ്ട് അന്പരക്കുകയാണ് ഏവരും.
“നിങ്ങൾ ചെയ്തത് തെറ്റാണ് രാജമൗലി. വിഷുവിന്‍റെ അന്ന് മലയാളികളോട് ആശംസ വിരലുകൾ കൊണ്ട് ടൈപ്പ് ചെയ്തല്ല പറയേണ്ടത് തലയിലെ വായ കൊണ്ടാണ്’ എന്നാണ് ജൂഡ് നർമത്തിൽ പൊതിഞ്ഞ് പറഞ്ഞത്. തമാശ മാത്രമല്ല വിഷു ആശംസകൾ സാർ എന്നും അദ്ദേഹം പറഞ്ഞിട്ടുണ്ട്.
ബാഹുബലിയിൽ പ്രഭാസ് പറയുന്ന ഒരു ഡയലോഗ് കടമെടുത്താണ് രാജമൗലിക്കുള്ള മറുപടി ജൂഡ് നൽകിയത്.എന്നാലും ജൂഡ് പറഞ്ഞതിന്‍റെ പൊരുൾ കൃത്യമായി മനസിലാകാതെ തലചുറ്റുകയാണ് ഭൂരിഭാഗമാളുകളും.
