ഹൈ​റേ​ഞ്ചി​ൽ തു​ലാ​വ​ർ​ഷം ശ​ക്തം; യാ​ത്രാ​ദു​രി​ത​ത്തി​ൽ മ​ല​യോ​രം

രാ​ജാ​ക്കാ​ട്: കാ​ല​വ​ർ​ഷ​ക്കെ​ടു​തി​യി​ൽ ത​ക​ർ​ന്ന ഹൈ​റേ​ഞ്ചി​ലെ റോ​ഡു​ക​ൾ താ​ത്കാ​ലി​ക​മാ​യി ഗ​താ​ഗ​ത​ത്തി​നു തു​റ​ന്നെ​ങ്കി​ലും തു​ലാ​മ​ഴ​യെ​ത്തി​യ​തോ​ടെ വീ​ണ്ടും ശോ​ച​നീ​യാ​വ​സ്ഥ​യി​ലാ​യി. കാ​ൽ​ന​ട​പോ​ലും സാ​ധ്യ​മാ​കാ​ത്ത​ വി​ധ​ത്തി​ൽ ചെ​ളി​ക്കു​ണ്ടാ​യി​മാ​റി​യ റോ​ഡി​ലൂ​ടെ സ്കൂ​ൾ വാ​ഹ​ന​ങ്ങ​ള​ട​ക്കം ക​ട​ന്നു​വ​രാ​താ​യ​തോ​ടെ പ്ര​തി​സ​ന്ധി വ​ർ​ധി​ച്ചി​രി​ക്കു​ക​യാ​ണ്.

പ്ര​ള​യ​ക്കെ​ടു​തി​യി​ൽ ഹൈ​റേ​ഞ്ചി​ലെ നാ​ഷ​ണ​ൽ ഹൈ​വേ മു​ത​ൽ നാ​ട്ടു​പാ​ത​വ​രെ മ​ണ്ണി​ടി​ച്ചി​ലി​ലും ഉ​രു​ൾ​പൊ​ട്ട​ലി​ലും പാ​ടേ ത​ക​ർ​ന്നി​രു​ന്നു. ആ​ഴ്ച​ക​ൾ എ​ടു​ത്താ​ണ് ഇ​ത്ത​രം റോ​ഡു​ക​ളി​ലൂ​ടെ ഗതാ​ഗ​തം താ​ൽ​കാ​ലി​ക​മാ​യി പു​ന​ഃസ്ഥാ​പി​ച്ച​ത്. പ​ല റോ​ഡു​ക​ളി​ലേ​ക്കും വീ​ണു​കി​ട​ക്കു​ന്ന മ​ണ്ണും വ​ലി​യ മ​ര​ങ്ങ​ളും പാ​റ​ക്ക​ല്ലു​ക​ളും പൂ​ർ​ണ​മാ​യി നീ​ക്കാ​ൻ ഇ​തു​വ​രെ സാ​ധി​ച്ചി​ട്ടി​ല്ല.

പൊ​തു​മ​രാ​മ​ത്ത് റോ​ഡു​ക​ൾ​ക്ക് ഫ​ണ്ടു​ല​ഭി​ക്കാ​ൻ സാ​ധ്യ​ത​യു​ണ്ടെ​ങ്കി​ലും പ​ഞ്ചാ​യ​ത്തു റോ​ഡു​ക​ളു​ടെ നി​ല പ​രു​ങ്ങ​ലി​ലാ​ണ്. യാ​ത്രാ​ദു​രി​ത​ത്തി​ന് അ​റു​തി​വ​രു​ത്തു​ന്ന​തി​നാ​യി വ​ലി​യ രീ​തി​യി​ലു​ള്ള പ​രി​ശ്ര​മം ദേ​ശീ​യ​പാ​ത വി​ഭാ​ഗ​വും പി​ഡ​ബ്ല്യു​ഡി​യും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും ന​ട​ത്തി​വ​രു​ന്ന​തി​നി​ട​യി​ലാ​ണ് തു​ലാ​മ​ഴ ഹൈ​റേ​ഞ്ചി​ൽ ശ​ക്തി​പ്രാ​പി​ച്ചി​രി​ക്കു​ന്ന​ത്. ഇ​തോ​ടെ മ​ണ്ണ് നീ​ക്കം​ചെ​യ്ത് താ​ൽ​കാ​ലി​ക​മാ​യി ഗ​താ​ഗ​തം പു​ന​ഃസ്ഥാ​പി​ച്ചി​രി​ക്കു​ന്ന റോ​ഡു​ക​ൾ എ​ല്ലാം​ത​ന്നെ വീ​ണ്ടും താ​റു​മാ​റാ​യി. മ​ഴ ശ​ക്ത​മാ​യ​തോ​ടെ മ​ണ്ണി​ടി​ച്ചി​ൽ ഭീ​ഷണി​യും നേ​രി​ടു​ന്നു​ണ്ട്.

രാ​ജാ​ക്കാ​ട്, ബൈ​സ​ണ്‍​വാ​ലി പ​ഞ്ചാ​യ​ത്തു​ക​ളെ ത​മ്മി​ൽ ബ​ന്ധി​പ്പി​ക്കു​ന്ന മു​ല്ല​ക്കാ​നം – ജോ​സ്ഗി​രി റോ​ഡും ത​ക​ർ​ന്ന അ​വ​സ്ഥ​യി​ലാ​ണ്. റോ​ഡ് ശോ​ച​നീ​യാ​വ​സ്ഥ​യി​ലാ​യ​തോ​ടെ ചെ​റു​വാ​ഹ​ന​ങ്ങ​ൾ​പോ​ലും ഈ ​മേ​ഖ​ല​യി​ലേ​ക്ക് എ​ത്തു​ന്നി​ല്ല. കൊ​ച്ചു​മു​ല്ല​ക്കാ​നം റോ​ഡു​വ​ഴി ദൂ​രം കൂ​ടു​ത​ൽ സ​ഞ്ച​രി​ച്ചാ​ണ് ഈ ​പ്ര​ദേ​ശ​ങ്ങ​ളി​ലു​ള്ള​വ​ർ വാ​ഹ​ന​യാ​ത്ര ന​ട​ത്തു​ന്ന​ത്. മ​ഴ ശ​ക്ത​മാ​യി തു​ട​ർ​ന്നാ​ൽ ഹൈ​റേ​ഞ്ചി​ലെ റോ​ഡു​ക​ൾ കൂ​ടു​ത​ൽ ശോ​ച​നീ​യാ​വ​സ്ഥ​യി​ലാ​കും.