നെടുമങ്ങാട് : വെടിവച്ചിട്ട കാട്ടുപന്നിയുടെ ജഡം കാണാതായതിനെക്കുറിച്ച് വനംവകുപ്പും പോലീസും അന്വേഷണം ആരംഭിച്ചു.
ലൈസൻസുള്ള ഷൂട്ടർ ചേരപ്പള്ളി സ്വദേശി രാജൻ വെടിവച്ചു കൊന്ന പന്നിയുടെ ജഡമാണ് കാണാതായത്.
കഴിഞ്ഞ ദിവസം രാത്രി 8.30 ഓടെ ഇറവൂർ സ്വദേശി മനോജിന്‍റെ പുരയിടത്തിൽ എത്തിയ പന്നിയെയാണ് വെടിവച്ചു കൊന്നത്.
വെടിവച്ചു കൊന്ന പന്നിയെ മനോജിന്‍റെ വീടിനു പിന്നിലേക്ക് രാജനും സഹായിയും ചേർന്ന് കൊണ്ടുവന്നിരുന്നു.
ജഡം സംസ്കരിക്കാൻ മണ്ണെണ്ണ എടുക്കാൻ രാജൻ പോയി തിരിച്ചുവന്നപ്പോൾ ജഡം കാണാതാവുകയായിരിന്നു.
