തെലുങ്കാന: സംസ്ഥാനത്ത് പുതിയതായി തെരഞ്ഞെടുക്കപ്പെട്ട എംഎൽഎമാർ നിയമസഭയുടെ ആദ്യ സമ്മേളനത്തിൽ സത്യപ്രതിജ്ഞ ചെയ്യും. എന്നാൽ എഐഎംഐഎം നേതാവ് അക്ബറുദീൻ ഒവൈസിയെ പ്രോടേം സ്പീക്കറായി നിയമിച്ചതിന് പിന്നാലെ പ്രതിഷേധവുമായി ബിജെപി രാജാ സിംഗ് എംഎൽഎ. താനും മറ്റ് ബിജെപി എംഎൽഎമാരും സത്യപ്രതിജ്ഞാ ചടങ്ങിൽ പങ്കെടുക്കില്ലെന്ന് രാജാ സിംഗ് പറഞ്ഞു.
പ്രോടെം സ്പീക്കറും എഐഎംഐഎം എംഎൽഎയുമായ അക്ബറുദ്ദീൻ ഒവൈസിയാണ് എംഎൽഎമാർക്ക് സത്യവാചകം ചൊല്ലിക്കൊടുക്കുന്നത്. എന്നാൽ താൻ ജീവിച്ചിരിക്കുന്നിടത്തോളം കാലം എഐഎംഐഎമ്മിന് മുന്നിൽ സത്യപ്രതിജ്ഞ ചെയ്യില്ലെന്ന് രാജ സിംഗ് പറഞ്ഞു.
നേരത്തെ ഹിന്ദു വിരുദ്ധ പരാമർശം നടത്തിയ ഒരാളുടെ മുന്നിൽ സത്യപ്രതിജ്ഞ ചെയ്യണോ? ഒവൈസിയെ ചുമതലയിൽ നിന്ന് മാറ്റി മുഴുവൻ സമയ സ്പീക്കറെ നിയമിച്ചതിന് ശേഷം മാത്രമേ താൻ സത്യപ്രതിജ്ഞ ചെയ്യുകയുള്ളു.
മുൻഗാമി കെ. ചന്ദ്രശേഖർ റാവുവിനെപ്പോലെ തെലങ്കാനയിലെ പുതിയ മുഖ്യമന്ത്രി കോൺഗ്രസിന്‍റെ രേവന്ത് റെഡിക്ക് എഐഎംഐഎമ്മിനെ ഭയമാണെന്നും അതുകൊണ്ടാണ് ഒവൈസിയെ പ്രോടെം സ്പീക്കറാക്കാൻ അനുവദിച്ചുവെന്നും സിംഗ് പറഞ്ഞു. 2018ൽ എഐഎംഐഎം അംഗം പ്രോടേം സ്പീക്കറായിരുന്നപ്പോളും താൻ എംഎൽഎയായി സത്യപ്രതിജ്ഞ ചെയ്തിട്ടില്ലെന്നും അദ്ദേഹം ഓർമിപ്പിച്ചു.
