ജയ്പുർ: ഐപിഎലിൽ രാജസ്ഥാൻ റോയൽസ് ആദ്യ ജയമാഘോഷിച്ചു. മലയാളി താരം സഞ്ജു വി. സാംസണിന്‍റെ മികവിലാണ് റോയൽസ് ജയിച്ചത്. മഴയിൽ മുങ്ങിയ കളിയിൽ ഡെക്‌വർത്ത് ലൂയിസ് നിയമപ്രകാരമാണ് വിധിനിർണയിച്ചത്.
ഡൽഹി ഡെയർ ഡെവിൾസിനെതിരേ റോയൽസിന്റെ ജയം 10 റണ്‍സിന് ആയിരുന്നു. 17.5 ഓവറിൽ അഞ്ച് വിക്കറ്റ് നഷ്ടത്തിൽ 153 റണ്‍സ് എടുത്ത് നിൽക്കുന്പോഴാണ് മഴയെത്തിയത്.
തുടർന്ന് ഡൽഹിയുടെ ലക്ഷ്യം ആറ് ഓവറിൽ 71 റണ്‍സ് ആയി നിശ്ചയിച്ചു. നാല് വിക്കറ്റ് നഷ്ടത്തിൽ 60 റണ്‍സ് എടുക്കാനേ ഡൽഹിക്ക് സാധിച്ചുള്ളൂ. രാജസ്ഥാനായി സഞ്ജു 22 പന്തിൽ രണ്ട് സിക്സും രണ്ട് ഫോറും അടക്കം 37 റണ്‍സ് നേടി. 168.18 ആയിരുന്നു സ്ട്രൈക്ക് റേറ്റ്.
