ഒമ്പത് അടി നീളമുള്ള രാജവെമ്പാലയെ വാനിനുള്ളിൽ നിന്നും കണ്ടെത്തി. ചൈനയിലെ യുനാൻ പ്രവശ്യയിലാണ് പ്രദേശവാസികളെയാകെ ആശങ്കയിലാഴ്ത്തിയ സംഭവം അരങ്ങേറിയത്. സീറ്റിനടിയിൽ കിടക്കുകയായിരുന്ന പാമ്പിനെ ആദ്യം കണ്ടത് വാഹനത്തിന്‍റെ ഡ്രൈവർ ആയിരുന്നു. പിന്നീട് ഇയാളാണ് പോലീസിനെ വിവരം അറിയിച്ചത്.
ഇവർ എത്തുമ്പോൾ വാഹനത്തിന്‍റെ ഡാഷ് ബോഡിനുള്ളിലായിരുന്നു നാലു കിലോ ഭാരമുള്ള ഈ പാമ്പ്. ഈ പാമ്പിനെ ഇപ്പോൾ വന്യ ജീവി സംരക്ഷണകേന്ദ്രത്തിലേക്കു മാറ്റിയിരിക്കുകയാണ്. പോലീസുദ്യോഗസ്ഥൻ ഈ പാമ്പിനെ പിടികൂടുന്നതിന്‍റെ വീഡിയോ ആയിരക്കണക്കിനാളുകളാണ് ഇതിനോടകം തന്നെ കണ്ടുകഴിഞ്ഞിരിക്കുന്നത്.
