നെടുങ്കണ്ടം: രാജ്കുമാർ കസ്റ്റഡിയിൽ മരിച്ച സംഭവത്തിൽ അറസ്റ്റിലായ എസ്ഐ കെ.എ. സാബു കുഴഞ്ഞുവീണു. സാബുവിനെ ഉടൻ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കേസിൽ സസ്പെൻഷനിലായ സാബുവിനെ ക്രൈംബ്രാഞ്ച് ചോദ്യം ചെയ്തു വരികയായിരുന്നു. ഇന്ന് രാവിലെ കോട്ടയത്താണ് അറസ്റ്റു രേഖപ്പെടുത്തിയത്.
സാബുവിനോപ്പം സിവിൽ പോലീസ് ഉദ്യോഗസ്ഥൻ സജീവ് ആന്‍റണിയെയും ക്രൈംബ്രാഞ്ച് അറസ്റ്റു ചെയ്തു. കസ്റ്റഡി മർദ്ദനത്തിനാണ് അറസ്റ്റ്.
അന്വേഷണത്തിന്‍റെ പ്രാഥമിക ഘട്ടത്തിൽ ഇരുവർക്കുമെതിരെ വകുപ്പ് തല നടപടി സ്വീകരിച്ചിരുന്നു. തൂക്കുപാലം കേന്ദ്രമായി പ്രവർത്തിച്ചിരുന്ന ഹരിത ഫിനാൻസ് തട്ടിപ്പുമായി ബന്ധപ്പെട്ടാണ് രാജ്കുമാറിനെ പോലീസ് കസ്റ്റഡിയിലെടുത്തത്. പീരുമേട് സബ് ജയിലിൽ റിമാൻഡിലായിരിക്കെ രാജ്കുമാർ മരിച്ചത്.
