തിരുവനന്തപുരം: കെ.കരുണാകരന്‍ അനുസ്മരണത്തില്‍ പങ്കെടുക്കാത്ത കോണ്‍ഗ്രസിലെ ഏക നേതാവാണ് കെ.മുര ളീധരന്‍ എംഎല്‍എയെന്ന് കെപിസിസി വക്താവ് രാജ്മോഹന് ഉണ്ണിത്താന്‍. ഡിസിസിയുടെ പരിപാടികളില്‍ പോലും മുരളീധരന് പങ്കെടുത്തില്ല. നേതാക്കളെ അപമാനിച്ച പാരമ്പര്യമാണ് മുരളീധരനുള്ളതെന്നും അദ്ദേഹം കുറ്റപ്പെടുത്തി. പ്രതിപക്ഷത്തിനും കോണ്‍ഗ്രസിനും എതിരേ മുരളീധരന് രൂക്ഷ വിമര്‍ശനം ഉന്നയിച്ചതിന് പിന്നാലെയാണ് രാജ്മോഹന് ഉണ്ണിത്താന്റെ പ്രസ്താവന.
മുരളീധരന്റെ പ്രസ്താവന കോണ്‍ഗ്രസ് പ്രവര്‍ത്തകരുടെ മനോവീര്യം തകര്‍ക്കുന്നതാണെന്നെന്നും മാധ്യമശ്രദ്ധ ലഭിക്കുന്നതിന് വേണ്ടിയാണ് മുരളീധരന് കോണ്‍ഗ്രസിനെ അപമാനിക്കുന്നതെന്നും ഉണ്ണിത്താന്‍ ആരോപിച്ചു.
സര്‍ക്കാരിന്റെ വീഴ്ചകള്‍ തുറന്നുകാട്ടുന്നതില്‍ പ്രതിപക്ഷം പരാജയപ്പെട്ടുവെന്നും ഭരണപക്ഷവും പ്രതിപക്ഷവുമെല്ലാം ഇന്ന് ഇടതുപക്ഷമായി മാറിയിരിക്കുന്നുവെന്നുമായിരുന്നു മുരളീധരന്റെ വിമര്‍ശനം. ഒരു സമരം പോലും നടത്താന്‍ പ്രതിപക്ഷത്തിനു സാധിക്കുന്നില്ല. ഒറ്റക്കെട്ടെന്നു പറഞ്ഞ് മറ്റൊന്നു പ്രവര്‍ത്തിക്കുന്നവര്‍ കോണ്‍ഗ്രസിലും യുഡിഎഫിലുണ്ടെന്നും മുരളീധരന് ആരോപിച്ചിരുന്നു.
