മീ​ന​ച്ചി​ലാ​റ്റി​ലെ അ​പ​ക​ട​ക​ര​മാ​യ ഒ​ഴു​ക്കി​നെ കീ​റി​മു​റി​ച്ച്  കടത്തുവള്ളത്തിൽ രാജു രക്ഷിച്ചത് നിരവധി പേരെ

സി.​സി.​സോ​മ​ൻ
കോ​ട്ട​യം: പ്ര​ള​യ​കാ​ല​ത്ത് മീ​ന​ച്ചി​ലാ​റ്റി​ലെ അ​പ​ക​ട​ക​ര​മാ​യ ഒ​ഴു​ക്കി​നെ കീ​റി​മു​റി​ച്ച് നി​ര​വ​ധി പേ​രെ ക​ട​ത്തു​വ​ള്ള​ത്തി​ൽ ക​ര​യ്ക്കെ​ത്തി​ച്ച രാ​ജു സ്വ​ന്തം ജീ​വ​ൻ പോ​ലും നോ​ക്കാ​തെ​യാ​ണ് പ്ര​വ​ർ​ത്തി​ച്ച​ത്.ശ​ക്ത​മാ​യ ഒ​ഴു​ക്കി​ൽ പ​ല​രും സ്വ​ന്തം വ​ള്ളം പോ​ലും ഇ​റ​ക്കാ​ൻ മ​ടി​ച്ച​പ്പോ​ൾ ഏ​തു സ​മ​യ​ത്തു വി​ളി​ച്ചാ​ലും വ​ള്ള​വു​മാ​യി വ​ന്ന് ധൈ​ര്യ​സ​മേ​തം നൂ​റു​ക​ണ​ക്കി​നാ​ളു​ക​ളെ ര​ക്ഷ​പ്പെ​ടു​ത്തി ഇ​ട​യ്ക്കാ​ട്ടു​പ​ള്ളി ക​ട​വി​ലെ രാ​ജു എ​ന്ന ക​ട​ത്തു​വ​ള്ള​ക്കാ​ര​ൻ.

അ​യ്മ​നം പ​ഞ്ചാ​യ​ത്തി​നെ​യും കോ​ട്ട​യം ന​ഗ​ര​സ​ഭ​യെ​യും ത​മ്മി​ൽ ബ​ന്ധി​പ്പി​ക്കു​ന്ന താ​ഴ​ത്ത​ങ്ങാ​ടി ഇ​ട​യ്ക്കാ​ട്ടു​പ​ള്ളി​ക്ക​ട​വി​ലെ ക​ട​ത്തു​കാ​ര​നാ​ണ് രാ​ജു. മ​ര്യാ​തു​രു​ത്ത് ഭാ​ഗ​ത്തെ മു​ഴു​വ​ൻ വീ​ടു​ക​ളും പ്ര​ള​യ​ത്തി​ൽ മു​ങ്ങി. ഇ​വി​ടെ​യു​ള്ള​വ​ർ ബ​ന്ധു​വീ​ടു​ക​ളി​ലേ​ക്ക് മാ​റാ​ൻ തീ​രു​മാ​നി​ച്ചെ​ങ്കി​ലും എ​ങ്ങ​നെ പോ​കും എ​ന്ന ചി​ന്ത​യാ​യി​രു​ന്നു പ​ല​ർ​ക്കും.

വാ​രി​ശേ​രി​യി​ലേ​ക്ക് പോ​കാ​ൻ ഒ​രു കി​ലോ​മീ​റ്റ​ർ വെ​ള്ള​ത്തി​ലൂ​ടെ നീ​ന്ത​ണം. റോ​ഡി​ൽ ക​ഴു​ത്ത​റ്റം വെ​ള്ളം. പ​ല​യി​ട​ത്തും ഒ​ന്ന​ര​യാ​ൾ താ​ഴ്ച. അ​പ​ക​ട​ക​ര​മാ​യ അ​വ​സ്ഥ​യി​ൽ ന​ട​ന്നു പോ​കാ​നാ​വി​ല്ല. പി​ന്നെ​യു​ള്ള വ​ഴി ഇ​ട​യ്ക്കാ​ട്ടു​പ​ള്ളി ക​ട​വ് വ​ഴി മാ​ത്രം. മീ​ന​ച്ചി​ലാ​റ്റി​ലെ അ​തി​ശ​ക്ത​മാ​യ ഒ​ഴു​ക്കു മൂ​ലം ആ​രും വ​ള്ള​മി​റ​ക്കു​ന്നി​ല്ല. എ​ന്നാ​ൽ ക​ട​ത്തു​കാ​ര​ൻ രാ​ജു അ​പ്പോ​ഴും ക​ർ​മ നി​ര​ത​നാ​യി​രു​ന്നു. വീ​ടു​ക​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് ബ​ന്ധു​വീ​ടു​ക​ളി​ലേ​ക്ക് പോ​യ​വ​രെ​യെ​ല്ലാം രാ​ജു​വാ​ണ് ആ​റ് ക​ട​ത്തി​യ​ത്.

ആ​റ്റി​ൽ ഒ​ഴു​ക്കു ശ​ക്ത​മാ​യ​തി​നാ​ൽ ആ​റു പേ​ർ ക​യ​റു​ന്ന വ​ള്ള​ത്തി​ൽ നാ​ലു​പേ​രെ മാ​ത്ര​മേ ക​യ​റ്റി​യു​ള്ളു. ആ​ദ്യം വ​ള്ളം ആ​റി​ന്‍റെ സൈ​ഡി​ലൂ​ടെ കൂ​റെ ദൂ​രം മു​ന്നോ​ട്ട് തു​ഴ​യും. പി​ന്നീ​ടാ​ണ് മ​റു​ക​ര​യ്ക്ക് തു​ഴ​യു​ന്ന​ത്. എ​ങ്കി​ലേ ഒ​ഴു​ക്കി​ൽ അ​ക​പ്പെ​ടാ​തെ അ​ക്ക​രെ എ​ത്താ​ൻ ക​ഴി​യു. ഒ​ഴു​ക്കി​ൽ വ​ള്ളം അ​ക​പ്പെ​ട്ടാ​ൽ വ​ലി​യ അ​പ​ക​ട​ത്തി​ന് സാ​ധ്യ​ത​യു​മു​ണ്ട്. വെ​ള്ളം ക​യ​റി​യ വീ​ടു​ക​ളു​ടെ അ​ടു​ക്ക​ള വാ​തി​ലി​ൽ വ​രെ വ​ള്ള​മെ​ത്തി​ച്ച് ആ​ളു​ക​ളെ ക​യ​റ്റി​യാ​ണ് ക​ര​യി​ൽ എ​ത്തി​ച്ച​ത്.

വീ​ട്ടി​ൽ കു​ടു​ങ്ങി​യ മെ​ഡി​ക്ക​ൽ കോ​ള​ജി​ലെ ഡോ​ക്ട​ർ ടി​ജി ജേ​ക്ക​ബ് തോ​മ​സി​നെ ക​ര​യ്ക്കെ​ത്തി​ച്ച​ത് രാ​ജു​വാ​ണ്. നി​ര​വ​ധി രോ​ഗി​ക​ളെ​യും ര​ക്ഷ​പ്പെ​ടു​ത്തി. ഒ​രു ദി​വ​സം ക​ട​വി​ൽ നി​ന്ന് വാ​രി​ശേ​രി​യി​ലേ​ക്കു​ള്ള റോ​ഡി​ലൂ​ടെ പോ​കു​ന്പോ​ൾ വ​ള്ളം മ​റി​യാ​ൻ ശ്ര​മി​ച്ചു. ഉ​ട​ൻ രാ​ജു പു​റ​ത്തു​ചാ​ടി വ​ള്ളം മു​ങ്ങാ​തെ ര​ക്ഷ​പ്പെ​ടു​ത്തി.

ക​ട​വി​നു സ​മീ​പ​ത്തെ ഒ​രു വീ​ട്ടു​കാ​ർ​ക്ക് സ്വ​ന്ത​മാ​യി വ​ള്ള​മു​ണ്ട്. പ​ക്ഷേ ആ​റ്റി​ലെ ഒ​ഴു​ക്കു ക​ണ്ട​പ്പോ​ൾ വ​ള്ള​മി​റ​ക്കാ​ൻ പേ​ടി. അ​വ​രെ​യും രാ​ജു​വാ​ണ് മ​റു​ക​ര എ​ത്തി​ച്ച​ത്. 25 വ​ർ​ഷം മു​ൻ​പ് നാ​ട്ടു​കാ​ർ ന​ട​പ്പാ​ലം നി​ർ​മി​ക്കാ​ൻ സ്ഥാ​പി​ച്ച കോ​ണ്‍​ക്രീ​റ്റ് കു​റ്റി​ക​ൾ ക​ട​ത്തു​വ​ള്ള​ത്തി​ന് വ​ലി​യൊ​രു ഭീ​ഷ​ണി​യാ​ണ്. തൂ​ണി​ൽ വ​ള്ളം ഇ​ടി​ക്കാ​ൻ സാ​ധ്യ​ത​യു​ള്ള​തി​നാ​ൽ ഏ​റ്റ​വും സൂ​ക്ഷ്മ​ത​യോ​ടെ മാ​ത്ര​മേ വ​ള്ളം അ​ടു​പ്പി​ക്കാ​ൻ ക​ഴി​യു.

മ​ര്യാ​തു​രു​ത്ത് വെ​ട്ടി​ക്കാ​ട്ട് വീ​ട്ടി​ൽ രാ​ജു നാ​ലു വ​ർ​ഷ​മാ​യി ക​ട​ത്തു വ​ള്ള​ത്തി​ൽ ജോ​ലി​ക്കെ​ത്തി​യി​ട്ട്. അ​യ്മ​നം പ​ഞ്ചാ​യ​ത്താ​ണ് ഇ​വി​ടെ ക​ട​ത്തു​വ​ള്ളം ഏ​ർ​പ്പെ​ടു​ത്തി​യി​രി​ക്കു​ന്ന​ത്. വെ​ള്ള​പ്പൊ​ക്കം ഉ​ണ്ടാ​യ സ​മ​യ​ത്ത് രാ​വും പ​ക​ലും ക​ട​ത്തു പ​ണി​യി​ലാ​യി​രു​ന്നു രാ​ജു. വീ​ട്ടി​ൽ വെ​ള്ളം ക​യ​റി​യ​തി​നാ​ൽ അ​വി​ടേ​ക്ക് പോ​കാ​നാ​വി​ല്ല. ഈ ​ദി​വ​സ​ങ്ങ​ളി​ൽ സ​മീ​പ​ത്തെ പ​ള്ളി​യി​ലും ചി​ല വീ​ടു​ക​ളു​ടെ മു​ക​ളി​ല​ത്തെ നി​ല​യി​ലു​മാ​യി ക​ഴി​ഞ്ഞു.