ട്രോള്‍ വീഡിയോകളുടെ കാലമാണിപ്പോള്‍ ഡോണള്‍ഡ് ട്രംപ് ‘ആമിനത്താത്താന്റെ പൊന്നുമോളാണേ’ എന്നു തുടങ്ങുന്ന പാട്ട് പാടുന്ന ട്രോള്‍ വീഡിയോ വന്‍തരംഗമാണ് സോഷ്യല്‍ മീഡിയയില്‍ സൃഷ്ടിച്ചത്.
ഇപ്പോള്‍ മറ്റൊരു ട്രോള്‍ വീഡിയയാണ് ശ്രദ്ധേയമാകുന്നത്. ‘ദളപതി’ എന്ന ചിത്രത്തില്‍ മമ്മൂട്ടിയും രജനികാന്തും തകര്‍ത്താടിയ ‘കാട്ട് കുയില്’ എന്ന പാട്ട് ഡോണള്‍ഡ് ട്രംപും നരേന്ദ്രമോഡിയും ചേര്‍ന്നു പാടുന്നതായാണ് ട്രോള്‍ വീഡിയോയില്‍.
ഈ വീഡിയോ കണ്ട് അമ്പരന്ന സംവിധായകന്‍ രാം ഗോപാല്‍ വര്‍മ പങ്കുവച്ച ട്വീറ്റും വൈറലായി. എനിക്ക് ഈ എഡിറ്ററെ വിവാഹം ചെയ്യണമെന്നായിരുന്നു രാം ഗോപാല്‍ വര്‍മയുടെ പ്രതികരണം. ഇതോടെ വീഡിയോയുടെ അണിയറക്കാരനെ അന്വേഷിച്ച് നിരവധി പേര്‍ രംഗത്തു വന്നു.
ഇന്‍സ്റ്റഗ്രാമില്‍ ‘മല്ലു വൈനര്‍’ എന്നറിയപ്പെടുന്ന മലയാളിയായ വിഘ്നേഷ് ജയന്‍ ആണ് ഈ ട്രോള്‍ വിഡിയോയ്ക്കു പിന്നില്‍.
രാംഗോപാല്‍ വര്‍മയുടെ അഭിനന്ദനം ശരിക്കും ഞെട്ടിയിരിക്കുകയാണെന്നും സന്തോഷമുണ്ടെന്നുമാണ് വിഘ്‌നേഷിന്റെ പ്രതികരണം.
ഇതിനു മുന്‍പും വിഘ്നേഷ് ചെയ്ത വിഡിയോകളെല്ലാം സമൂഹമാധ്യമങ്ങളില്‍ രസകരമായ ചര്‍ച്ചകള്‍ക്കു വഴി വച്ചിരുന്നു.
മാക് അക്കാദമിയില്‍ വിഷ്വല്‍ എഫക്ട് കോഴ്‌സിനു പഠിക്കുകയാണ് വിഘ്നേഷ്. നാല്‍പ്പതു സെക്കന്‍ഡു മാത്രം ദൈര്‍ഘ്യമുള്ള വിഡിയോ ഇപ്പോള്‍ സമൂഹമാധ്യമങ്ങളില്‍ വൈറലാണ്.
