റംസാന്‍ സ്‌പെഷല്‍! ചെ​റി​യ​പെ​രു​ന്നാ​ൾ കു​പ്പാ​യം വ​ലി​യ പെ​രു​ന്നാ​ളി​ന്‍റെ​യും; നടന്‍ മമ്മുക്കോയ പറയുന്നു

എ.​എ​ഫ്.​ഷാ​ഹി​ന

ജീ​വി​തം എ​പ്പോ​ഴും ഒ​രു പ​ര​ക്കം പാ​ച്ചി​ലാ​ണ്. അ​തി​നി​ട​യി​ലെ​ത്തു​ന്ന ആ​ഘോ​ഷ​ങ്ങ​ളും ഉ​ൽ​സ​വ​ങ്ങ​ളും ഈ ​പ​ര​ക്കം പാ​ച്ചി​ലി​ന്‍റെ കി​ത​പ്പി​ന് ശ​മ​ന​മു​ണ്ടാ​ക്കും. റം​സാ​ൻ നോ​ന്പ് ക​ഴി​ഞ്ഞെ​ത്തു​ന്ന ചെ​റി​യ പെ​രു​ന്നാ​ൾ, പ​രി​ശു​ദ്ധ ഹ​ജ്ജി​ന് ശേ​ഷ​മു​ള​ള വ​ലി​യ പെ​രു​ന്നാ​ൾ തു​ട​ങ്ങി​യ​വ ആ​ഘോ​ഷ​ങ്ങ​ൾ​ക്ക​പ്പു​റം വി​ശ്വാ​സ​ങ്ങ​ൾ​ക്ക് ക​ള​ങ്ക​മി​ല്ലാ​തെ ആ​ഘോ​ഷി​ക്കാ​നും ഉ​ൾ​ക്കൊ​ള​ളാ​നു​മാ​ണ് ഇ​ക്കാ​ല​മ​ത്ര​യും ശ്ര​മി​ച്ചി​ട്ടു​ള​ള​ത്.

പെ​രു​ന്നാ​ളി​ന് രാ​വി​ലെ കു​ളി​ച്ചൊ​രു​ങ്ങി പ​ള​ളി​യി​ൽ പോ​വും. കു​ട്ടി​ക​ളോ​ടൊ​ത്ത് ഭ​ക്ഷ​ണം ക​ഴി​ച്ച് കൂ​ട്ടു​കാ​രോ​ടൊ​ത്ത് സൗ​ഹൃ​ദം പു​തു​ക്കി കു​ടം​ബ​ങ്ങ​ളു​മാ​യി ബ​ന്ധം വി​ള​ക്കി​ച്ചേ​ർ​ത്തു​ള​ള ആ​ഘോ​ഷ​ത്തി​നാ​ണ് എ​നി​ക്ക് എ​ന്നും ഇ​ഷ്ടം. പ​രി​ധി വി​ട്ട ആ​ഘോ​ഷ​ത്തി​ന് ഞാ​നെ​തി​രാ​ണ്. എ​ണ്ണ​തേ​ച്ചു​ള​ള കു​ളി, പു​ത്ത​ൻ​മ​ണ​ക്കു​ന്ന പെ​രു​ന്നാ​ൾ കു​പ്പാ​യം, പെ​രു​ന്നാ​ൾ പ​ള​ളി, പെ​രു​ന്നാ​ൾ ചോ​റ് ഇ​തൊ​ക്കെ​യാ​ണ് കു​ട്ടി​ക്കാ​ല​ത്തെ പെ​രു​ന്നാ​ൾ കാ​ഴ്ച. വ​റു​തി​യു​ടെ കാ​ല​മാ​യി​രു​ന്നു കു​ട്ടി​ക്കാ​ലം. ന​ന്നാ​യി വി​ശ​പ്പ് മാ​റി ചോ​റ് തി​ന്നു​ന്ന​ത് ത​ന്നെ പ​ല​പ്പോ​ഴും പെ​രു​ന്നാ​ളി​നാ​ണ്.

ചെ​റി​യ പെ​രു​ന്നാ​ളി​ന് വാ​ങ്ങി​യ പു​ത്ത​ൻ കു​പ്പാ​യം ത​ന്നെ​യാ​ണ് വ​ലി​യ പെ​രു​ന്നാ​ൾ​ക്കും ഉ​ണ്ടാ​വു​ക. ചെ​റി​യ പെ​രു​ന്നാ​ൾ ക​ഴി​ഞ്ഞാ​ൽ പെ​രു​ന്നാ​ൾ കോ​ടി കു​പ്പാ​യം മ​ട​ക്കി പെ​ട്ടി​യി​ൽ വെ​ക്കും. പി​ന്നീ​ട് ബ​ലി​പ്പെ​രു​ന്നാ​ൾ​ക്കും ഇ​ത് വീ​ണ്ടു പെ​രു​ന്നാ​ൾ കോ​ടി​യാ​യി ധ​രി​ച്ചാ​ണ് പു​റ​ത്തി​റ​ങ്ങു​ക. ഇ​ന്ന് മ​ണി​ക്കൂ​റി​ന് കു​പ്പാ​യം മാ​റ്റു​ന്ന പു​തു​ത​ല​മു​റ​ക്ക് ഇ​തൊ​ക്കെ പ​റ​ഞ്ഞാ​ൽ അ​തി​ശ​യ​മാ​യി​രി​ക്കും.

അ​മേ​രി​ക്ക​യി​ൽ മ​മ്മൂ​ട്ടി​യോ​ടൊ​പ്പ​മു​ള​ള പെ​രു​ന്നാ​ൾ ജീ​വി​ത​ത്തി​ൽ മ​റ​ക്കാ​നാ​വി​ല്ല. മ​മ്മൂ​ട്ടി​യോ​ടൊ​പ്പം ഒ​രു പ്രോ​ഗ്രാ​മി​ന് അ​മേ​രി​ക്ക​യി​ലെ​ത്തി​യ​താ​യി​രു​ന്നു. കൊ​ച്ചി​ൻ ഹ​നീ​ഫ, കൊ​ച്ചി​ൻ ഇ​ബ്രാ​ഹീം തു​ട​ങ്ങി​യ​വ​ര​ട​ക്കം നി​ര​വ​ധി പേ​രു​ണ്ട്. ദീ​ർ​ഘ ദൂ​ര യാ​ത്ര ക​ഴി​ഞ്ഞെ​ത്തി​യ​തി​നാ​ൽ ഞ​ങ്ങ​ളെ​ല്ലാം ന​ല്ല ഉ​റ​ക്ക​ത്തി​ലാ​യി​രു​ന്നു. പെ​രു​ന്നാ​ൾ ദി​ന​ത്തി​ലെ ത​ലേ​ന്ന് രാ​ത്രി​യാ​ണ് ഞ​ങ്ങ​ള​വി​ടെ എ​ത്തു​ന്ന​ത്. അ​മേ​രി​ക്ക​യി​ൽ ഈ​ദ് ഗാ​ഹ്, പ​ള​ളി തു​ട​ങ്ങി​യ​വ​യൊ​ക്കെ തി​ര​യാ​നു​ള​ള സ​മ​യ​വു​മ​ല്ല. എ​ന്നാ​ൽ പു​ല​ർ​ച്ചെ മ​മ്മൂ​ട്ടി ഞ​ങ്ങ​ളെ വി​ളി​ച്ചു​ണ​ർ​ത്തി എ​ഴു​ന്നേ​ൽ​പ്പി​ച്ചു. പെ​രു​ന്നാ​ൾ നി​സ്കാ​ര​ത്തി​ന് ഞ​ങ്ങ​ളെ കൊ​ണ്ടു​പോ​യി.

അ​മേ​രി​ക്ക​യി​ൽ ഈ​ദ് ഗാ​ഹും പ​ള​ളി​യും എ​വി​ടെ​യു​ണ്ടെ​ന്ന് അ​ദ്ദേ​ഹം ഇ​തി​ന​കം മ​ന​സി​ലാ​ക്കി​യി​രു​ന്നു. വി​ശ്വാ​സ ക​ർ​മ​ങ്ങ​ളി​ൽ ഒ​രു മു​ട​ക്ക​വും വ​രു​ത്താ​ത്ത​യാ​ളാ​ണ് അ​ദ്ദേ​ഹം. പെ​രു​ന്നാ​ളി​ന് സി​നി​മ​ക​ളി​ൽ നി​ന്ന് അ​വ​ധി​യെ​ടു​ത്ത് വീ​ട്ടി​ലെ​ത്താ​നാ​ണ് ശ്ര​മി​ക്കാ​റ്. വീ​ട്ടി​ലെ​ത്തി​യാ​ൽ കോ​ഴി​ക്കോ​ട്ടെ സൗ​ഹൃ​ദ​ങ്ങ​ളി​ൽ ആ​രെ​ങ്കി​ലു​മൊ​ക്കെ പെ​രു​ന്നാ​ളി​ന് വീ​ട്ടി​ലു​ണ്ടാ​കും.

കൂ​ടെ​യു​ള്ള​വ​ർ വി​ട്ടു​പോ​കു​ന്പോ​ഴു​ള്ള വേ​ദ​ന വ​ലു​താ​ണ്. നോ​ന്പ്കാ​ല​ത്ത് പ​ല​പ്പോ​ഴും മ​റ​ഞ്ഞു പോ​യ പ​ല​രും മ​ന​സ്സി​ലേ​ക്ക് ക​ട​ന്നു വ​രും. ഒ​രു നോ​ന്പ് കാ​ല​ത്താ​ണ് അ​ന​ശ്വ​ര ക​ലാ​കാ​ര​നാ​യ ജോ​ണ്‍ എ​ബ്ര​ഹാം വി​ട്ടു പി​രി​ഞ്ഞ​ത്. ജോ​ണും കൂ​ട്ടു​കാ​രും ഒ​രു ലോ​ഡ്ജ് മു​റി​യി​ൽ ഇ​രു​ന്നു​കൊ​ണ്ടു എ​ന്നോ​ട് വി​ളി​ച്ചു പ​റ​ഞ്ഞു നോ​ന്പി​ന്‍റെ പ​ല​ഹാ​ര​ങ്ങ​ൾ വീ​ട്ടി​ൽ നി​ന്ന് കൊ​ണ്ട് വ​രാ​ൻ.

ഞാ​ൻ ഭാ​ര്യ​യു​ണ്ടാ​ക്കി​യ പ​ല​ഹാ​ര​ങ്ങ​ൾ പ്ര​ത്യേ​ക​മാ​യി പൊ​തി​ഞ്ഞ് വൈ​കീ​ട്ട് ജോ​ണും കൂ​ട്ടു​കാ​രു​മി​രി​ക്കു​ന്ന ലോ​ഡ്ജി​ലേ​ക്ക് പോ​യി. അ​വി​ടെ എ​ത്തി​യ​പ്പോ​ഴാ​ണ് ഒ​രു ആ​ൾ​ക്കൂ​ട്ട​ത്തെ ക​ണ്ട​ത്. അ​ന്വേ​ഷി​ച്ച​പ്പോ​ഴാ​ണ് ജോ​ണ്‍ കെ​ട്ടി​ട​ത്തി​ന്‍റെ മു​ക​ളി​ൽ നി​ന്ന് കാ​ൽ തെ​ന്നി വീ​ണ് മ​രി​ച്ച​താ​യി അ​റി​യു​ന്ന​ത്.

അ​ത് വ​ല്ലാ​ത്തൊ​രു വേ​ദ​ന​യാ​യി​രു​ന്നു. ഞാ​ൻ കൊ​ണ്ടു പോ​യ പ​ല​ഹാ​ര​ങ്ങ​ൾ തി​രി​ച്ചു പോ​രു​ന്പോ​ൾ ക​ല്ലാ​യി പു​ഴ​യി​ലേ​ക്ക് എ​റി​യു​ക​യാ​യി​രു​ന്നു. സി​നി​മ​യി​ൽ എ​ന്നും ന·​ക​ൾ പ​റ​ഞ്ഞു ത​ന്ന ബ​ഹ​ദൂ​ർ​ക്ക​യും എ​ന്നെ സി​നി​മ​ക്ക് പ​രി​ച​യ​പ്പെ​ടു​ത്തി​യ വൈ​ക്കം മു​ഹ​മ്മ​ദ് ബ​ഷീ​റും, പ​രി​ച​ക്കാ​രാ​യ കു​ഞ്ഞാ​ണ്ടി​യും, പ​പ്പു​വേ​ട്ട​നും അ​ങ്ങ​നെ ഒ​രു​പാ​ട് പേ​ർ ഇ​ന്നി​ല്ല. അ​വ​രു​ടെ​യൊ​ക്കെ ഓ​ർ​മ​ക​ളി​ലൂ​ടെ​യാ​ണ് ഓ​രോ നോ​ന്പും പെ​രു​ന്നാ​ളും ക​ട​ന്നു​പോ​കു​ന്ന​ത്.