200 കോടി ക്ലബിൽ ഇടം നേടി ചരിത്രം സൃഷ്ടിച്ച് ലൂസിഫർ മുന്നേറുമ്പോൾ സംവിധായകൻ പൃഥിരാജ് ലാന്‍ഡ് റോവറിന്‍റെ പുതിയ റേഞ്ച് റോവര്‍ സ്വന്തമാക്കി. മൂന്ന് കോടി രൂപയോളം ഓണ്‍റോഡ് വില വരുന്ന റേഞ്ച് റോവര്‍ നിരയിലെ വേഗ് മോഡലാണ് പൃഥി സ്വന്തമാക്കിയത്.
ഭാര്യ സുപ്രിയ മോനോനൊപ്പം ലാന്‍ഡ് റോവര്‍ കൊച്ചി ഷോറൂമിലെത്തിയാണ് താരം പുതിയ വോഗ് എസ്‌യുവി ഏറ്റുവാങ്ങിയത്. പൃഥ്വിരാജ് പുതിയ വാഹനം ഓടിക്കുന്ന ചിത്രം ഭാര്യ സുപ്രിയയാണ് ഇന്‍സ്റ്റഗ്രാമില്‍ പോസ്റ്റ് ചെയ്തത്. കുടുംബത്തിലേക്കെത്തിയ പുതിയ അതിഥി എന്ന അടിക്കുറിപ്പോടെയായിരുന്നു പോസ്റ്റ്.
കഴിഞ്ഞ വര്‍ഷം ലംബോര്‍ഗിനി ഹുറാകാന്‍ പൃഥ്വിരാജ് സ്വന്തമാക്കിയതും സോഷ്യല്‍ മീഡിയയില്‍ വലിയ വാര്‍ത്തയായിരുന്നു.
