അടൂര്‍: ബുദ്ധിമാന്ദ്യമുള്ള 15 വയസുകാരിയെ പീഡിപ്പിക്കാന്‍ ശ്രമിച്ച കേസില്‍ യുവാവ് അറസ്റ്റില്‍. കൊടുമണ്‍ ചിരണിക്കല്‍ ചന്ദ്രാലയം വീട്ടില്‍ കൊച്ചുമോന്‍ (ലിജു – 28) ആണ് അറസ്റ്റിലായത്.
കഴിഞ്ഞ ഉത്രാടത്തിനാണ് പരാതിക്കാസ്പദമായ സംഭവം. പെണ്‍കുട്ടിയുടെ അയല്‍ക്കാരനായ പ്രതി, വീട്ടിലെ മുറിയില്‍ ടിവി കണ്ടു കൊണ്ടിരുന്ന പെണ്‍കുട്ടിയെ വലിച്ചിഴച്ചു കൊണ്ടു പോകുന്നതിന് ശ്രമിച്ചു.
കരച്ചില്‍ ശ്രദ്ധയില്‍പ്പെട്ട അയല്‍ക്കാരാണ് പെണ്‍കുട്ടിയെ യുവാവില്‍ നിന്നും രക്ഷപ്പെടുത്തിയത്. തുടര്‍ന്ന് കൊടുമണ്‍ പോലീസ് നടത്തിയ അന്വേഷണത്തില്‍ ബിവറേജ് ചില്ലറ വില്പനശാലയ്ക്ക് സമീപത്തു നിന്നും പ്രതിയെ അറസ്റ്റു ചെയ്യുകയായിരുന്നു.
കോന്നി സിഐ ഉമേഷ്, കൊടുമണ്‍ എസ്ഐ ശ്രീജിത്ത്, സീനിയര്‍ സിവില്‍ പോലീസ് ഓഫീസര്‍മാരായ ബിനു, ജയരാജ്, അനീഷ് എന്നിവര്‍ അന്വേഷണ സംഘത്തിലുണ്ടായിരുന്നു.
