ദുബായില്‍ പീഡനശ്രമത്തില്‍ നിന്ന് രക്ഷെപ്പടാന്‍ ആറാം നിലയില്‍ നിന്ന് ചാടി പ്രമുഖ മോഡല്‍ ഗുരുതരാവസ്ഥയില്‍. ദുബായിലെ ഹോട്ടലിന്റെ ആറാം നിലയില്‍ നിന്നാണ് റഷ്യന്‍ മോഡലായ എക്കാടെരീന സ്റ്റെറ്റ്സിയാക്ക കെട്ടിടത്തിന് മുകളില്‍ നിന്ന് ചാടിയത്. വീഴ്ചയില്‍ നട്ടെല്ലിനാണ് ക്ഷതമേറ്റത്. അമേരിക്കന്‍ സ്വദേശിയായ ബിസിനസുകാരനായിരുന്നു സംഭവ സമയം ഇവര്‍ക്കൊപ്പം ഉണ്ടായിരുന്നത്.
ദുബായില്‍ ഒരു ഷൂട്ടിങ് കരാര്‍ ഉള്ളതിനെ തുടര്‍ന്ന് എത്തിയതായിരുന്നു മോഡല്‍. സംസാരിക്കാന്‍ സാധിക്കുമെങ്കിലും സ്വയം ചലിക്കാനോ അനങ്ങാനോ കഴിയാത്ത അവസ്ഥയിലാണ് മോഡല്‍ ഉള്ളത്. എന്നാല്‍ എക്കടെരീന എസ്‌കോര്‍ട്ട് പോയതാണെന്ന ആരോപണം മോഡലിന്റെ മാതാവ് തള്ളി.
