കോൽക്കത്ത നൈറ്റ് റൈഡേഴ്സിന്‍റെ വെടിക്കെട്ട് താരമായ ആന്ദ്രേ റസലിന്‍റെ ബാറ്റിംഗ് ലൈനപ്പ് സ്ഥാനമാണ് ടീമിനുള്ളിലെയും പുറത്തെയും പ്രധാന ചർച്ചാ വിഷയം. റോയൽ ചലഞ്ചേഴ്സ് ബംഗളൂരുവിനെതിരായ മത്സരത്തിൽ ആറാം നന്പറിലിറങ്ങി 25 പന്തിൽ 65 റണ്‍സ് അടിച്ചെടുത്തശേഷം റസൽ സ്ഥാനക്കയറ്റം ലഭിച്ചാൽ ടീമിനു ഗുണമാകുമെന്ന് അഭിപ്രായപ്പെട്ടിരുന്നു. തൊട്ടടുത്ത മത്സരത്തിൽ റസലിനെ ഏഴാം നന്പറിലാണ് ഇറക്കിയത്.
റസലിനെ ആവശ്യമെങ്കിൽ ബാറ്റിംഗ് ലൈനപ്പിൽ സ്ഥാനക്കയറ്റം നല്കുമെന്ന് ടീം പരിശീലകൻ ജാക് കാലിസ് പറഞ്ഞു. 65.33 ശരാശരിയിൽ 392 റണ്‍സ് റസൽ ഇതുവരെ നേടിയിട്ടുണ്ട്. 217.77 ആണ് വെസ്റ്റ് ഇൻഡീസ് താരത്തിന്‍റെ സ്ട്രൈക്ക്റേറ്റ്. ഇന്ന് രാജസ്ഥാനെതിരേ കോൽക്കത്ത ഇറങ്ങും.
