ലളിതമായി ജന്മദിനം ആഘോഷിക്കുന്ന ടാറ്റാ ഗ്രൂപ്പ് ചെയർമാൻ രത്തൻ ടാറ്റയുടെ വീഡിയോ സോഷ്യൽ മീഡിയയിൽ വൈറലാകുന്നു.
ടാറ്റ ജീവനക്കാരനായ വൈഭവ് ബോയർ എന്നയാളാണ് കപ്പ് കേക്കിലെ മെഴുകുതിരി ഊതിക്കെടുത്തുന്ന രത്തൻ ടാറ്റയുടെ വീഡിയോ ആദ്യം പോസ്റ്റ് ചെയ്തത്. ടാറ്റ മോട്ടോഴ്‌സ് ഫിനാൻസിലെ ബിസിനസ് ഡെവലപ്‌മെന്‍റ് മാനേജറാണ് ഇദ്ദേഹം.
“ലാളിത്യം. രാജ്യത്തിന്റെ അഭിമാനവും പ്രചോദനവുമാണ് ഇദ്ദേഹം” എന്നാണ് പോസ്റ്റിന്‍റെ അടിക്കുറിപ്പ്. ടാറ്റ സൺസ് ചെയർമാൻ തന്‍റെ ഡെപ്യൂട്ടി ജനറൽ മാനേജർ ശന്തനു നായിഡുവിനൊപ്പമുള്ള വീഡിയോയാണ് വൈഭവ് പങ്കുവച്ചിരിക്കുന്നത്.
കപ്പ് കേക്കിന്‍റെ ഒരു കഷ്ണം വായിൽ വച്ച് കൊടുക്കുന്നതിനിടയിൽ നായിഡു രത്തൻ ടാറ്റയുടെ തോളിൽ തട്ടി ആശംസകൾ നേരുന്നതും വീഡിയോയിൽ കാണാം.
