വെള്ളിക്കുളങ്ങര: സ്റ്റെയിൻലസ് സ്റ്റീൽ കൊണ്ട് നിർമിച്ച സൈക്കിൾ കൗതുമാകുന്നു. വെള്ളിക്കുളങ്ങര മോനൊടി മേലൂക്കാരൻ രതീഷാണ് (33) സ്റ്റീൽ കൊണ്ട് സൈക്കിൾ ഉണ്ടാക്കി തന്‍റെ കരവിരുത് പ്രകടിപ്പിച്ചിരിക്കുന്നത്.
ലോക്ക് ഡൗണ്‍ ദിനങ്ങളിൽ രതീഷിന്‍റെ മനസിൽ ഉദിച്ച ആശയമാണ് സ്റ്റീൽ കൊണ്ടുള്ള സൈക്കിൾ.
വീട്ടിൽ സൂക്ഷിച്ചിരുന്ന സ്റ്റീൽ റോഡുകളും പഴയ സൈക്കിളിന്‍റെ പാർട്സുകളും ഉപയോഗിച്ചാണ് രതീഷ് ഗിയർ സംവിധാനമുള്ള സൈക്കിൾ നിർമിച്ചത്.
ഏറെക്കാലം നിറം മങ്ങാതെ തുരുന്പെടുക്കാതെ ഈ സൈക്കിൾ ഉപയോഗിക്കാമെന്ന് രതീഷ് പറയുന്നു.
