അ​നു​സ​രി​ക്കാ​ൻ ആ​രും ത​യ്യാ​റാ​കു​ന്നി​ല്ല; റേ​ഷ​ൻ​ക​ട​ക​ളി​ൽ എ​ത്തു​ന്ന​വ​ർ സാ​മൂ​ഹി​ക അ​ക​ലം പാ​ലി​ക്കു​ന്നി​ല്ലെ​ന്ന് ക​ണ്ടെ​ത്തൽ

ഒ​റ്റ​പ്പാ​ലം: റേ​ഷ​ൻ ക​ട​ക​ളി​ൽ എ​ത്തു​ന്ന ഉ​പ​ഭോ​ക്താ​ക്ക​ൾ മാ​സ്ക്കു​ക​ൾ ധ​രി​ക്കു​ന്നുണ്ടെങ്കി​ലും സാ​മൂ​ഹി​ക അ​ക​ലം പാ​ലി​ച്ച് കി​റ്റു​ക​ൾ വാ​ങ്ങാ​ൻ ത​യ്യാ​റാ​വു​ന്നി​ല്ലെന്ന് ആരോഗ്യവകുപ്പ്. തി​ക്കി​തി​ര​ക്കി നി​ന്നാ​ണ് ഇ​വ​ർ സ​ർ​ക്കാ​ർ വി​ത​ര​ണം ചെ​യ്യു​ന്ന കി​റ്റു​ക​ൾ വാ​ങ്ങാ​ൻ റേ​ഷ​ൻ ക​ട​ക​ളി​ൽ നി​ൽ​ക്കു​ന്ന​തെ​ന്ന് ആ​രോ​ഗ്യ​വ​കു​പ്പി​ന് ബോ​ധ്യ​മാ​യി​ട്ടു​ണ്ട്.

സാ​മൂ​ഹി​ക അ​ക​ലം പാ​ലി​ക്കാ​ൻ റേ​ഷ​ൻ ക​ട ഉ​ട​മ​ക​ൾ നി​ർ​ദേ​ശി​ക്കു​ന്നു​ണ്ട​ങ്കി​ലും അ​നു​സ​രി​ക്കാ​ൻ ആ​രും ത​യ്യാ​റാ​കു​ന്നി​ല്ലെ​ന്നു​ള്ള​താ​ണ് യാ​ഥാ​ർ​ത്ഥ്യം. റേ​ഷ​ൻ​ക​ട​ക​ളി​ൽ മു​ന്പ് ആ​രോ​ഗ്യ​പ്ര​വ​ർ​ത്ത​ക​ർ സ​ന്ന​ദ്ധ സേ​വ​ക​രാ​യി എ​ത്തി​യി​രു​ന്നു. എ​ന്നാ​ൽ ഇ​പ്പോ​ൾ അ​വ​രു​ടെ സാ​ന്നി​ധ്യ​വും കു​റ​ഞ്ഞു​കൊ​ണ്ടി​രി​ക്കു​ക​യാ​ണ്.​

പോ​ലീ​സി​നും മ​റ്റും റേ​ഷ​ൻ​ക​ട​ക​ളി​ൽ എ​ത്തി ഗു​ണ​ഭോ​ക്താ​ക്ക​ളെ സാ​മൂ​ഹി​ക അ​ക​ല​ത്തി​ൽ നി​ർ​ത്താ​ൻ സാ​ധി​ക്കാ​ത്ത സാ​ഹ​ച​ര്യ​മു​ണ്ട്.
ഇ​തി​ന് ആ​വ​ശ്യ​മാ​യ പോ​ലീ​സ് സം​വി​ധാ​നം ഇ​ല്ലാ​ത്ത​താ​ണ് കാ​ര​ണം. സാ​മൂ​ഹി​ക അ​ക​ലം പാ​ലി​ക്കാ​തെ റേ​ഷ​ൻ​ക​ട​ക​ളി​ൽ കൂ​ട്ടം​കൂ​ടി നി​ൽ​ക്കു​ന്ന ഉ​പ​ഭോ​ക്താ​ക്ക​ൾ രോ​ഗ​ബാ​ധ ഭീ​ഷ​ണി ഉ​യ​ർ​ത്തു​ന്നു​ണ്ട്.

അ​ന്യ​സം​സ്ഥാ​ന​ങ്ങ​ളി​ൽ​നി​ന്ന് എ​ത്തി​യ​വ​രു​ടെ ബ​ന്ധു​ക്ക​ളും അ​ടു​ത്ത് ഇ​ട​പ​ഴ​കി​യ​വ​രു​മെ​ല്ലാം ഇ​ക്കൂ​ട്ട​ത്തി​ൽ ഉ​ണ്ടാ​കു​മെ​ന്നാ​ണ് ക​രു​ത​പ്പെ​ടു​ന്ന​ത്. സാ​മൂ​ഹി​ക അ​ക​ലം പാ​ലി​ക്കാ​ത്ത പ​ക്ഷം ഇ​തി​ന്‍റെ പ​രി​ണി​ത​ഫ​ലം ഭീ​ക​ര​മാ​യി​രി​ക്കും എ​ന്നാ​ണ് ആ​രോ​ഗ്യ​വ​കു​പ്പ് അ​ധി​കൃ​ത​ർ മു​ന്ന​റി​യി​പ്പ് ന​ൽ​കു​ന്ന​ത്.

ചി​ല​യി​ട​ങ്ങ​ളി​ൽ പോ​ലീ​സെ​ത്തി സാ​മൂ​ഹി​ക അ​ക​ലം പാ​ലി​ക്കാ​ൻ ഉ​പ​ഭോ​ക്താ​ക്ക​ൾ​ക്ക് നി​ർ​ദ്ദേ​ശം ന​ൽ​കു​ന്നു​ണ്ടെ​ങ്കി​ലും പോ​ലീ​സ് പോ​കു​ന്ന​തോ​ടെ വീ​ണ്ടും പ​ഴ​യ പ​ടി ആ​കു​ന്ന സാ​ഹ​ച​ര്യം ആ​ണ് ഉ​ണ്ടാ​കു​ന്ന​ത്.
വി​വി​ധ ഇ​ട​ങ്ങ​ളി​ൽ സേ​വ​ന സ​ന്ന​ദ്ധ​രാ​യി എ​ത്തി​യ ആ​രോ​ഗ്യ​പ്ര​വ​ർ​ത്ത​ക​ർ ക്രി​യാ​ത്മ​ക​മാ​യി പ്ര​വ​ർ​ത്ത​ന​രം​ഗ​ത്ത് ഇ​ല്ലാ​ത്ത​ത് ഇ​ത്ത​രം സാ​ഹ​ച​ര്യ​ത്തി​ൽ വി​ന​യാ​യി​ട്ടു​ണ്ട്.

അ​തേ​സ​മ​യം ചി​ല​യി​ട​ങ്ങ​ളി​ൽ സ​ന്ന​ദ്ധ സേ​വ​ക​രാ​യി എ​ത്തി​യി​ട്ടു​ള്ള ആ​രോ​ഗ്യ​പ്ര​വ​ർ​ത്ത​ക​ർ ഇ​പ്പോ​ഴും ക്രി​യാ​ത്മ​ക​മാ​യി രം​ഗ​ത്തു​ണ്ട്. റേ​ഷ​ൻ ക​ട​ക​ളി​ൽ നി​ന്നും ല​ഭി​ക്കു​ന്ന ഭ​ക്ഷ്യ​ധാ​ന്യ കി​റ്റു​ക​ൾ വാ​ങ്ങാ​നെ​ത്തു​ന്ന ഉ​പ​ഭോ​ക്താ​ക്ക​ളെ ക​ർ​ശ​ന​മാ​യും സാ​മൂ​ഹി​ക അ​ക​ല​ത്തി​ൽ നി​ർ​ത്ത​ണ​മെ​ന്ന് അ​ധി​കൃ​ത​ർ​ക്ക് ആ​ഗ്ര​ഹ​മു​ണ്ടെ​ങ്കി​ലും സാ​ധി​ക്കു​ന്നി​ല്ലെ​ന്ന് അ​നു​ഭ​വ​ങ്ങ​ൾ സാ​ക്ഷ്യ​പ്പെ​ടു​ത്തു​ന്നു. ഉ​ന്ന​ത അ​ധി​കൃ​ത​രു​ടെ അ​ടി​യ​ന്ത​ര​മാ​യ ഇ​ട​പെ​ട​ൽ ഇ​ക്കാ​ര്യ​ത്തി​ൽ അ​നി​വാ​ര്യ​മാ​ണ്.