സെ​ന​ഗ​ലി​ൽ ആ​ന്‍റ​ണി ! ര​വി പൂ​ജാ​രി പി​ടി​യി​ലാ​യി​ട്ട് ര​ണ്ടാ​ഴ്ച; കൂ​ടു​ത​ൽ വി​വ​ര​ങ്ങ​ൾ പു​റ​ത്ത്

ബം​ഗ​ളൂ​രു: അ​ധോ​ലോ​ക കു​റ്റ​വാ​ളി ര​വി പൂ​ജാ​രി പി​ടി​യി​ലാ​യി​ട്ട് ര​ണ്ടാ​ഴ്ച. ജ​നു​വ​രി 19നാ​ണ് ര​വി പൂ​ജാ​രി​യും കു​ടും​ബ​വും ആ​ഫ്രി​ക്ക​ൻ രാ​ജ്യ​മാ​യ സെ​ന​ഗ​ലി​ൽ പി​ടി​യി​ലാ​യ​ത്. ആ​ന്‍റ​ണി എ​ന്ന ക​ള്ള​​പ്പേരി​ലാ​ണ് ര​വി പൂ​ജാ​രി സെ​ന​ഗ​ലി​ൽ ക​ഴി​ഞ്ഞി​രു​ന്ന​ത്.

ആ​ഫ്രി​ക്ക​ൻ രാ​ജ്യ​മാ​യ ബു​ർ​ക്കി​ന ഫാ​സോ​യു​ടെ പാ​സ്പോ​ർ​ട്ടാ​യി​രു​ന്ന ര​വി പൂ​ജാ​രി​യു​ടെ കൈ​വ​ശ​മു​ണ്ടാ​യി​രു​ന്ന​ത്. സെ​ന​ഗ​ലി​ലെ ബാ​ർ​ബ​ർ ഷോ​പ്പി​ൽ​നി​ന്നു​മാ​ണ് ര​വി പൂ​ജാ​രി പി​ടി​യി​ലാ​യ​ത്.

ര​വി പൂ​ജാ​രി​യെ ഇ​ന്ത്യ​യ്ക്കു വി​ട്ടു​ന​ൽ​കാ​മെ​ന്നു സെ​ന​ഗ​ൽ അ​ധി​കൃ​ത​ർ അ​റി​യി​ച്ചു. ഇയാളെ ഇ​ന്ത്യ​യി​ലെ​ത്തി​ക്കാ​ൻ ന​ട​പ​ടി​ക​ൾ ആ​രം​ഭി​ച്ച​താ​യാ​ണ് വി​വ​രം. ര​വി പൂ​ജാ​രി പി​ടി​യി​ലാ​യ വി​വ​രം ക​ർ​ണാ​ട​ക മു​ഖ്യ​മ​ന്ത്രി എ​ച്ച്.​ഡി. കു​മാ​ര​സ്വാ​മി സ്ഥി​രീ​ക​രി​ച്ചി​രു​ന്നു.

ര​വി പൂ​ജാ​രി​ക്കെ​തി​രെ ബം​ഗ​ളൂ​രു പോ​ലീ​സ് റെ​ഡ്കോ​ർ​ണ​ർ നോ​ട്ടീ​സ് പു​റ​പ്പെ​ടു​വി​ച്ചി​രു​ന്നു. ഏ​ഴു​പ​തോ​ളം കേ​സു​ക​ളി​ൽ ഇ​യാ​ൾ പ്ര​തി​യാ​ണ്. കൊ​ച്ചി ബ്യൂ​ട്ടി​പാ​ർ​ല​ർ വെ​ടി​വ​യ്പ് കേ​സി​ന് പി​ന്നി​ലും ര​വി പൂ​ജാ​രി​യാ​ണെ​ന്നാ​ണ് സൂ​ച​ന.