ന്യൂഡൽഹി: ബംഗ്ലാദേശിനെതിരായ ഏകദിന പരമ്പരയ്ക്കുള്ള ടീമിൽ നിന്ന് ജഡേജയെ ഒഴിവാക്കിയതായി ബിസിസിഐ . ഇന്ത്യൻ ഓൾറൗണ്ടർ രവീന്ദ്ര ജഡേജയുടെ ക്രിക്കറ്റിലേക്കുള്ള മടക്കവും വൈകും.
കാൽമുട്ടിലെ പരിക്ക് മാറാത്തതിനാലാണ് താരത്തെ മാറ്റിനിർത്തിയത്. ടെസ്റ്റ് ടീമിൽ നിന്നും താരത്തെ പുറത്താക്കുമെന്നാണ് സൂചന.
ജഡേജയ്ക്ക് പുറമേ പേസർ യാഷ് ദയാലിനെയും നടുവേദന കാരണം ഒഴിവാക്കിയിട്ടുണ്ട്. ഇവർക്ക് പകരം ബംഗാൾ ഓൾറൗണ്ടർ ഷഹബാസ് അഹമ്മദിനെയും മധ്യപ്രദേശ് ഫാസ്റ്റ് ബൗളർ കുൽദീപ് സെന്നിനെയും ഉൾപ്പെടുത്തി.
ഡിസംബർ നാലിനാണ് ഏകദിന പരമ്പര തുടങ്ങുക. മൂന്ന് ഏകദിനവും രണ്ട് ടെസ്റ്റുമാണ് പരമ്പരയിലുള്ളത്. രോഹിത് ശർമ, വിരാട് കൊഹ്‌ലി തുടങ്ങിയ മുതിർന്ന താരങ്ങളും ബംഗ്ലാദേശ് പര്യടനത്തിനുണ്ട്.
