കേപ് ടൗണ്‍: ദക്ഷിണാഫ്രിക്കൻ പേസർ കാഗിസോ റബാഡ പരിക്കിനെത്തുടർന്ന് ഐപിഎലിൽനിന്നു പിന്മാറി. ടെസ്റ്റ് ബൗളർമാരുടെ റാങ്കിംഗിൽ ഒന്നാം സ്ഥാനക്കാരനായ റബാഡയുടെ പിന്മാറ്റം ഡൽഹി ഡെയർഡെവിൾസിനു തിരിച്ചടിയായി.
പരിക്കിനെത്തുടർന്ന് ഐപിഎലിനെത്താത്ത രണ്ടാം പ്രമുഖ പേസ് ബൗളറാണ് റബാഡ. ഓസ്ട്രേലിയയുടെ മിച്ചൽ സ്റ്റാർക്ക് നേരത്തേ പിന്മാറിയിരുന്നു.ജൂലൈ പകുതിയിൽ ശ്രീലങ്കൻ പര്യടനത്തിനു മുന്പ് താരത്തിനു ആരോഗ്യംവീണ്ടെടുക്കേണ്ടതുണ്ട്.
റബാഡയ്ക്ക് ഒരുമാസത്തെ വിശ്രമം ആവശ്യമാണെന്നും ദക്ഷിണാഫ്രിക്കയുടെ ടീം മാനേജർ മുഹമ്മദ് മൂസാജി പറഞ്ഞു. ഓസ്ട്രേലിയയ്ക്കെതിരേ ദക്ഷിണാഫ്രിക്ക 3-1ന് ജയിച്ച പരന്പരയിൽ 23 വിക്കറ്റുകൾ സ്വന്തമാക്കിയിരുന്നു.
