പള്ളിക്കുന്ന്: കെഎസ്‌യു നേതാവിന്‍റെ വീടിന് മുന്നിൽ റീത്ത്. കെഎസ്‌യു അഴീക്കോട് ബ്ലോക്ക് സെക്രട്ടറിയും പളളിക്കുന്ന് കൊക്കേൻപാറ റോഡ് ട്രാൻസ്ഫോർമറിന് സമീപം താമസിക്കുന്ന മന്ദന്പേത്ത് റയിഷാദിന്‍റെ വീടിനു മുന്നിലാണ് ഇന്നു രാവിലെ റീത്ത് വച്ചത്.
“റയിഷാദ് നിന്‍റെ നാളുകൾ എണ്ണപ്പെട്ടു എന്ന് റീത്തിൽ എഴുതിയിട്ടുണ്ട്.റയിഷാദിന്‍റെ ഫോണിലേക്ക് കഴിഞ്ഞ ദിവസങ്ങളിൽ വധഭീഷണിയും വന്നിരുന്നു.
റയിഷാദ് കണ്ണൂർ ടൗൺ പോലീസിൽ പരാതി നല്കി. പള്ളിക്കുന്ന് പ്രദേശത്തെ സമാധാനന്തരീക്ഷം തകർക്കാനാണ് സിപിഎം ശ്രമിക്കുന്നതെന്നും ഇതിനെ ചെറുത്തു തോല്പിക്കുമെന്നും പള്ളിക്കുന്ന് മണ്ഡലം കോൺഗ്രസ് കമ്മിറ്റി പ്രസ്താവനയിൽ അറിയിച്ചു.
