നെടുമങ്ങാട്: ഭാര്യയെ കഴുത്തു ഞെരിച്ചു കൊലപ്പെടുത്തിയ കേസിൽ ഭർത്താവിനെ നെടുമങ്ങാട് പോലീസ് അറസ്റ്റ് ചെയ്തു. ചെല്ലാംകോട് താരാ ഭവനിൽ രഞ്ജിത(25)യെ കൊലപ്പെടുത്തിയ കേസിൽ കാട്ടിൽ വീട്ടിൽ അജീഷ് (30) ആണ് അറസ്റ്റിലായത്.അജീഷ് എട്ട് വർഷം മുമ്പാണ് രഞ്ജിതയെ വിവാഹം കഴിച്ചത്. ഇവർക്ക് ഒരു മകനുണ്ട്. സ്ഥിരം മദ്യപാനിയായ അജീഷ് കൂട്ടുകാരുമായി വീട്ടിലിരുന്ന് മദ്യപിക്കുക പതിവായിരുന്നു.
സുഹ്യത്തുമായി ഭാര്യക്ക് അവിഹിത ബന്ധമുണ്ടെന്നു സംശയിച്ച് പിണങ്ങി മാറി അജീഷ് താമസിച്ചുവരുകയായിരുന്നു. അജീഷ് ഭാര്യയെ ഷോൾ കഴുത്തിൽ മുറുക്കി കൊലപ്പെടുത്തിയശേഷം ഒളിവിൽ പോകുകയായിരുന്നു. നെടുമങ്ങാട് ഡിവൈഎസ്പി സ്റ്റുവർട്ട് കീലറുടെ നിർദേശനുസരണം നെടുമങ്ങാട് പോലീസ് ഇൻസ്പെക്ടർ രാജേഷ് കുമാറിന്‍റെ നേതൃത്വത്തിൽ സബ് ഇൻസ്പെക്ടർ സുനിൽ ഗോപി, സിപിഒമാരായ സനൽ രാജ് ജയകുമാർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
