ന്യൂഡൽഹി: രണ്ടാം പിറന്നാളിന്‍റെ ഭാഗമായി ക്വിഡിന്‍റെ ആനിവേഴ്സറി എഡിഷൻ റെനോ ഇന്ത്യ പുറത്തിറക്കി. ബേസ് മോഡലിന് 3.43 ലക്ഷം രൂപ വിലവരുന്ന വാഹനത്തിന് മെക്കാനിക്കൽ മാറ്റങ്ങൾ വരുത്തിയിട്ടില്ല. 0.8 ലിറ്റർ, 0.1 ലിറ്റർ മോഡലുകളിൽ ലഭ്യമായ ക്വിഡ് 02 ആനിവേഴ്സറി എഡിഷൻ മാന്വൽ ഗിയർബോക്സുകളിൽ മാത്രമാണ് വിപണിയിലെത്തുന്നത്.
കോൺട്രാസ്റ്റിംഗ് റെഡ്, വൈറ്റ് നിറത്തിലെത്തുന്ന സ്പെഷൽ എഡിഷൻ ക്വിഡിന് സ്പോർട്‌ലൈൻ ഗ്രാഫിക്സിനൊപ്പം ഡോറുകളിൽ 02 ലേബലും നല്കിയിട്ടുണ്ട്. ബോണറ്റിന്‍റെ ഒരു വശത്തും 02 ഗ്രാഫിക്സ് സ്ഥാനം പിടിച്ചിട്ടുണ്ട്. 5 സ്പോക് പുതിയ അലോയ് വീലുകൾ, മുന്നിലെയും പിന്നിലെയും സ്കിഡ് പ്ലേറ്റുകളിൽ സ്പോർട് ലൈൻ തുടങ്ങിയവ മറ്റു പ്രത്യേകതകളാണ്.
വശങ്ങളിൽ പുതിയ എയർ വെന്‍റുകൾ, ഡബിൾ ടോൺ ഗിയർ ഷിഫ്റ്റർ, പുതിയ ഫ്ലോർ മാറ്റുകൾ, സ്പോർട്ടി സ്റ്റീയറിംഗ് വീൽ, പിയാനോ ബ്ലാക്ക് സെൻട്രൽ കൺസോൾ തുടങ്ങിയവയാണ് ഉള്ളിലെ പ്രത്യേകതകൾ. ഫിയറി റെഡ്, ഐസ് കൂൾ വൈറ്റ് എന്നീ രണ്ടു കളർ ഓപ്ഷനിലെത്തുന്ന ക്വിഡ് 02 ആനിവേഴ്സറി എഡിഷന്‍റെ ബുക്കിംഗ് റെനോ ഷോറൂമുകളിൽ ആരംഭിച്ചിട്ടുണ്ട്.
