പ്ര​തി​ഫ​ലം കു​ത്ത​നെ കൂ​ട്ടി ര​ശ്മി​ക; തുക കേട്ട് ഞെട്ടി നിർമാതാക്കൾ

തെ​ന്നി​ന്ത്യ​ൻ സി​നി​മാലോ​കം ആ​ഘോ​ഷ​മാ​ക്കി​യ സി​നി​മ​യാ​ണ് അ​ടു​ത്തി​ടെ പു​റ​ത്തി​റ​ങ്ങി​യ പു​ഷ്പ. നാ​യ​ക​നാ​യി അ​ല്ലു അ​ർ​ജു​നും നാ​യി​ക​യാ​യി ര​ശ്മി​ക​മ​ന്ദാ​ന​യും വി​ല്ല​നാ​യി ഫ​ഹ​ദ് ഫാ​സി​ലും ഒ​ന്നി​ച്ചെ​ത്തി​യ ചി​ത്രം തെ​ലു​ങ്കി​ൽ മാ​ത്ര​മ​ല്ല മ​ല​യാ​ളം, ത​മി​ഴ്, ക​ന്ന​ഡ, ഹി​ന്ദി ഭാ​ഷ​ക​ളി​ലും പ്ര​ദ​ർ​ശ​ന​ത്തി​ന് എ​ത്തി​യി​രു​ന്നു. എ​ല്ലാ ഭാ​ഷ​ക​ളി​ൽ നി​ന്നും മി​ക​ച്ച അ​ഭി​പ്രാ​യ​മാ​ണ് സി​നി​മ​യ്ക്ക് ല​ഭി​ക്കു​ന്ന​ത്.

ശ്രീ​വ​ല്ലി എ​ന്ന ക​ഥാ​പാ​ത്ര​ത്തെ​യാ​യി​രു​ന്നു ര​ശ്മി​ക അ​വ​ത​രി​പ്പി​ച്ച​ത്. പു‌​ഷ്പ​രാ​ജ് എ​ന്ന അ​ല്ലു അ​ർ​ജു​ൻ ക​ഥാ​പാ​ത്ര​ത്തി​ന്‍റെ കാ​മു​കി​യാ​യി​ട്ടാ​യി​രു​ന്നു ര​ശ്മി​ക എ​ത്തി​യ​ത്. മു​ൻ​ചി​ത്ര​ങ്ങ​ളി​ൽ നി​ന്നു വ്യ​ത്യ​സ്ത​മാ​യി ഗ്ലാ​മ​റ​സാ​യാ​ണ് ര​ശ്മി​യ പു​ഷ്പ​യി​ൽ എ​ത്തി​യ​ത്.

ന​ല്ല അ​ഭി​പ്രാ​യ​മാ​ണ് ര​ശ്മി​ക​യ്ക്ക് ഈ ​ചി​ത്ര​ത്തി​ലെ അ​ഭി​ന​യ​ത്തി​നു ല​ഭി​ച്ചു​കൊ​ണ്ടി​രി​ക്കു​ന്ന​ത്. ക​ന്ന​ഡ സി​നി​മ​യി​ലൂ​ടെ വെ​ള്ളി​ത്തി​ര​യി​ലെ​ത്തി​യ ര​ശ്മി​ക ചെ​റി​യ സ​മ​യം കൊ​ണ്ടുത​ന്നെ തെ​ന്നി​ന്ത്യ​യി​ലെ മു​ൻ​നി​ര നാ​യി​ക​മാ​രു​ടെ ഗ​ണ​ത്തി​ലേ​ക്ക് ഉ​യ​രു​ക​യാ​യി​രു​ന്നു.

ഗീ​താ​ഗോ​വി​ന്ദം എ​ന്ന ചി​ത്ര​ത്തി​ലൂ​ടെ​യാ​ണ് ന​ടി തെ​ലു​ങ്കി​ൽ എ​ത്തു​ന്ന​ത്. ആ​ദ്യ ചി​ത്ര​ത്തി​ലൂ​ടെ ത​ന്നെ ന​ടി ശ്ര​ദ്ധി​ക്ക​പ്പെ​ടു​ക​യാ​യി​രു​ന്നു. മ​ല​യാ​ള​ത്തി​ലും ത​മി​ഴി​ലു​മെ​ല്ലാം ന​ടി​ക്ക് നി​ര​വ​ധി ആ​രാ​ധ​ക​രു​ണ്ട്. തെ​ലു​ങ്ക് ചി​ത്ര​ങ്ങ​ളെ​ല്ലാം മ​ല​യാ​ള​ത്തി​ൽ മി​ക​ച്ച കാ​ഴ്ച​ക്കാ​രെ നേ​ടു​ന്നു​ണ്ട്.

ഇ​പ്പോ​ഴി​താ സി​നി​മാ കോ​ള​ങ്ങ​ളി​ൽ വൈ​റ​ൽ ആ​കു​ന്ന​ത് പു​ഷ്പ 2ന് ​ന​ടി വാ​ങ്ങു​ന്ന പ്ര​തി​ഫ​ല​ത്തെ ക്കു​റി​ച്ചാ​ണ്. ടോ​ളി​വു​ഡി​ലെ ഒ​രു മാ​ധ്യ​മ​മാ​ണ് ഇ​തു​സം​ബ​ന്ധ​മാ​യ വാ​ർ​ത്ത പു​റ​ത്ത് വി​ട്ടി​രി​ക്കു​ന്ന​ത്. ആ​ദ്യ ഭാ​ഗം വ​ൻ വി​ജ​യ​മാ​യ​തോ​ടെ ന​ടി പ്ര​തി​ഫ​ലം വ​ർ​ധി​പ്പി​ച്ചി​രി​ക്കു​ക​യാ​ണ്.

പു​റ​ത്ത് വ​രു​ന്ന റി​പ്പോ​ർ​ട്ട് പ്ര​കാ​രം മൂ​ന്നു കോ​ടി രൂ​പ​യാ​ണ് ര​ശ്മി ചോ​ദി​ച്ചി​രി​ക്കു​ന്ന​ത്. ഇ​ത് നി​ർ​മാ​താ​ക്ക​ള ഞെ​ട്ടി​പ്പി​ച്ചി​ട്ടു​ണ്ടെ​ന്നും പ്ര​ച​രി​ക്കു​ന്ന റി​പ്പോ​ർ​ട്ടി​ൽ പ​റ​യു​ന്നു​ണ്ട്. ആ​ദ്യ​ഭാ​ഗ​ത്ത് അ​ഭി​ന​യി​ക്കാ​ൻ ര​ണ്ടു കോ​ടി രൂ​പ​യാ​ണ് ര​ശ്മി​ക പ്ര​തി​ഫ​ലം വാ​ങ്ങി​യ​ത്.

പു​ഷ്പ​യി​ലെ ന​ടി​യു​ടെ പ്ര​ക​ട​ന​വും നൃ​ത്ത​വും വ​ള​രെ ച​ർ​ച്ച​യാ​യി​രു​ന്നു. അ​ല്ലു​വി​നോ​ടൊ​പ്പ​മു​ള്ള സാ​മി… എ​ന്ന ഗാ​ന​വും നൃ​ത്തച്ചുവ​ടു​ക​ളും ഹി​റ്റാ​ണ്. സോ​ഷ്യ​ൽ മീ​ഡി​യ​യി​ൽ ഈ ​ഗാ​നം വ​ലി​യ ച​ല​നം സൃ​ഷ്ടി​ച്ചി​ട്ടു​ണ്ട്. ഫെ​ബ്രു​വ​രി പ​കു​തി​യോ​ടെ പു​ഷ്പ ര​ണ്ടാം ഭാ​ഗ​ത്തി​ന്‍റെ ചി​ത്രീ​ക​ര​ണം ആ​രം​ഭി​ക്കും.

അ​ഞ്ച് ദി​വ​സം കൊ​ണ്ട് 203 കോ​ടി​യാ​ണ് പു​ഷ്പ നേ​ടി​യ​ത്. ആ​ദ്യ ആ​ഴ്ച​യി​ൽ ത​ന്നെ ബു​ക്ക് മൈ ​ഷോ​യി​ലൂ​ടെ 2.6 മി​ല്യ​ൺ ടി​ക്ക​റ്റു​ക​ളാ​ണ് വി​റ്റ​ത്. അ​ല്ലു അ​ർ​ജു​ന്‍റെ ഇ​തു​വ​രെ​യു​ള്ള ചി​ത്ര​ങ്ങ​ളി​ൽ ഏ​റ്റ​വും കൂ​ടു​ത​ൽ അ​ഡ്വാ​ൻ​സ് ബു​ക്കിം​ഗും പു​ഷ്പ​യ്ക്കാ​യി​രു​ന്നു. ആ​ദ്യ ദി​നം 71 കോ​ടി​യാ​യി​രു​ന്നു പു​ഷ്പ നേ​ടി​യ​ത്.

കെ​ജി​എ​ഫി​ന്‍റെ ആ​ദ്യ ദി​വ​സ​ത്തെ ക​ള​ക്ഷ​നെ മ​റി​ക​ട​ന്നു​കൊ​ണ്ടാ​ണ് പു​ഷ്പ​യു​ടെ ഹി​ന്ദി പ​തി​പ്പ് 2.8 കോ​ടി രൂ​പ ക​ള​ക്ഷ​നി​ല​ക്ക് ക​ട​ന്ന​ത്.‌‌ ക​ഴി​ഞ്ഞ വ​ര്‍​ഷ​ത്തെ ഇ​ന്ത്യ​ന്‍ റി​ലീ​സു​ക​ളി​ല്‍ ഏ​റ്റ​വും വ​ലി​യ ഗ്രോ​സ് നേ​ടി​യ ചി​ത്രം ഇ​താ​ണെ​ന്നാ​ണ് ക​ണ​ക്കാ​ക്ക​പ്പെ​ടു​ന്ന​ത്.