ഏറ്റവും കുറഞ്ഞത് ഒരു നേരമെങ്കിലും ചോറുണ്ണാതെ ജീവിക്കാന്‍ കഴിയാത്തവരാണ് മലയാളികള്‍. എന്നാല്‍ ചോറ് ഉണ്ടാക്കുകയും കഴിയ്ക്കുകയും പാകം ചെയ്യുന്ന ചോറ് സൂക്ഷിക്കുകയും ചെയ്യുന്ന മലയാളികള്‍ പൊതുവേ ശ്രദ്ധിക്കാത്തതും എന്നാല്‍ തീര്‍ച്ചയായും അറിഞ്ഞിരിക്കേണ്ടതുമായ ചില കാര്യങ്ങളുണ്ട്. ബാക്കി വരുന്ന ചോറ് ഫ്രിഡ്ജില്‍ സൂക്ഷിയ്ക്കുന്നവരാണ് മലയാളികളിലധികവും. ഇതു വീണ്ടുമെടുത്തു ചൂടാക്കിക്കഴിയ്ക്കും. എന്നാല്‍ ചോറ് വീണ്ടും ചൂടാക്കി ഉപയോഗിയ്ക്കരുതെന്നാണ് ആരോഗ്യവിദഗ്ധര്‍ അഭിപ്രായപ്പെടുന്നത്. ഫുഡ് സ്റ്റാന്റേഡ് ഏജന്‍സി പറയുന്നതനുസരിച്ച് പാകം ചെയ്യാത്ത അരിയില്‍ ഉപദ്രവകാരികളായ ബാക്ടീരിയകളുണ്ട്. പാകം ചെയ്യുമ്പോള്‍ അരി നന്നായി വെന്താലേ ഇവ ചത്തുപോവൂ. ചോറ് കൃത്യ താപനിലയിലല്ലാതെ സൂക്ഷിച്ചാല്‍ ഈ ബാക്ടീരിയകള്‍ വീണ്ടും വരാന്‍ സാധ്യതകളേറെയാണ്. പിന്നീട് കഴിയ്ക്കുമ്പോള്‍ ഇവ ശരീരത്തിലെത്തും. ഉദാഹരണത്തിന് രാവിലെ ചോറ് പാകം ചെയ്തു കഴിഞ്ഞ് ഇതേ ചോറു തന്നെ വൈകിട്ടും കഴിയ്ക്കുമ്പോള്‍ ഈ ബാക്ടീരിയകളുടെ സാന്നിധ്യമുണ്ടാകും.
ഇവ ശരീരത്തിലെത്തും. പാകം ചെയ്ത് ഒന്നുരണ്ടു മണിക്കൂറിനുള്ളില്‍ തന്നെ ചോറു കഴിയ്ക്കുകയാണ് ചെയ്യേണ്ടത്. ഇതു കഴിഞ്ഞാല്‍ ഇവയില്‍ രോഗാണുക്കള്‍ വരാന്‍ സാധ്യതയേറെയാണ്. അല്ലെങ്കില്‍ ഇത് നല്ല തണുപ്പുള്ള അവസ്ഥയില്‍ സൂക്ഷിക്കണം. ഫ്രിഡ്ജില്‍ സൂക്ഷിക്കേണ്ടി വന്നാല്‍ നിര്‍ബന്ധമായും നല്ല തണുപ്പുള്ള അവസ്ഥയിലായിരിക്കണം. അതായത് കുറഞ്ഞ താപനിലയില്‍. ഫ്രിഡ്ജില്‍ സൂക്ഷിച്ച ചോറാണെങ്കിലും നല്ലപോലെ ചൂടായില്ലെങ്കില്‍ പുറത്തെടുത്ത്, തണുപ്പു കുറയുമ്പോള്‍ ബാക്ടീരിയകളുടെ സാന്നിധ്യം വീണ്ടുമുണ്ടാകും. ഇത് ചെറുതായി ചൂടാക്കിയതു കൊണ്ടു നശിക്കുകകയുമില്ല. ചോറ് കൃത്യ താപനിലയിലല്ലാതെ സൂക്ഷിച്ചാല്‍ വയറിളക്കം, ഛര്‍ദി തുടങ്ങിയ ആരോഗ്യപ്രശ്‌നങ്ങള്‍ക്കു സാധ്യതയേറെയാണ്. ഇതുപോലെ പാചകഎണ്ണകള്‍ വീണ്ടും ചൂടാക്കി ഉപയോഗിക്കുന്നതും ആരോഗ്യത്തിന് ദോഷം ചെയ്യും.
ഇവയിലെ പോളിസാച്വറേറ്റഡ് ഓയിലുകള്‍, ലിനോയിക് ആസിഡ് എന്നിവ വീണ്ടും ചൂടാകുമ്പോള്‍ ടോക്‌സിനുകള്‍ ഉത്പാദിപ്പിയ്ക്കും. കാന്‍സര്‍, ലിവര്‍ പ്രശ്നങ്ങള്‍, അല്‍ഷിമേഴ്സ് ഡിസീസ് തുടങ്ങിയ പല രോഗങ്ങള്‍ക്കും സാധ്യതയേറും. ഇതുപോലെയാണ് ഇലക്കറികളുടെ കാര്യവും. ഇവ രണ്ടാമതും ചൂടാക്കുന്നത് ആരോഗ്യത്തിനു നല്ലതല്ലെന്ന കാര്യം പലര്‍ക്കുമറിയാം. എന്നാല്‍ ഇതു മാത്രമല്ല വാസ്തവം. ഇലക്കറികള്‍ പാകം ചെയ്തു കഴിഞ്ഞാല്‍ 12 മണിക്കൂറിനു ശേഷം വീണ്ടും കഴിയ്ക്കുകയാണെങ്കില്‍, അതായത് പിറ്റേന്നത്തേയ്‌ക്കോ മറ്റോ എടുത്തു വയ്ക്കുകയാണെങ്കില്‍ 4 ഡിഗ്രി സെല്‍ഷ്യസില്‍ താഴെ വേണം സൂക്ഷിക്കാന്‍. ഇവയിലും ബീറ്റ്‌റൂട്ടിലുമെല്ലാം നൈട്രേറ്റുകളുണ്ട്. ഇവ നാലു ഡിഗ്രിയില്‍ കുറഞ്ഞ ചൂടില്‍ സൂക്ഷിച്ചു വയ്ക്കുമ്പോള്‍ ബാക്ടീരിയകള്‍ ഇവയില്‍ പ്രവര്‍ത്തിച്ച് നേട്രേറ്റ് ഇ ആയി മാറ്റും. ഇത് മെറ്റെമോഗ്ലോബോമീയ എന്ന അവസ്ഥയുണ്ടാക്കും. രക്തസംബന്ധമായ ഡിസോര്‍ഡറാണിത്. തലവേദന, ശ്വാസതടസ്സം, തളര്‍ച്ച എന്നിവയാണ് ഇവയുടെ ലക്ഷണങ്ങള്‍. കുട്ടികളിലാണ് നൈട്രേറ്റ് ഇ ഏറെ പ്രശ്‌നമുണ്ടാക്കുന്നത്. കൂടുതല്‍ അറിയുന്നതിന് വീഡിയോ കാണാം.
