ഉടയോൻ എന്ന ചിത്രത്തിനു ശേഷം ഭദ്രൻ സംവിധാനം ചെയ്യുന്ന ചിത്രമാണ് ജൂതൻ. നീണ്ട പതിനാലു വർഷത്തെ ഇടവേളയ്ക്ക് ശേഷമാണ് ഭദ്രൻ വീണ്ടുമൊരു സിനിമയുമായെത്തുന്നത്. സൗബിൻ ഷാഹിർ, ജോജു ജോർജ് എന്നിവരാണ് ചിത്രത്തിലെ പ്രധാന താരങ്ങൾ.
സിനിമ പ്രഖ്യാപിച്ച സമയത്ത് നായിക റിമ കല്ലിങ്കൽ ആണെന്നാണ് അറിയിച്ചിരുന്നത്. എന്നാൽ ചിത്രത്തിൽ റിമ ഉണ്ടാകില്ലെന്നാണ് പുറത്തുവരുന്ന റിപ്പോർട്ടുകൾ. റിമയ്ക്ക് പകരം ചിത്രത്തിൽ നായികയാകുന്നത് മംമ്ത മോഹൻദാസ് ആണ്. ഇന്ദ്രൻസ്, ജോയ് മാത്യു എന്നിവരും ചിത്രത്തിൽ ശ്രദ്ധേയ വേഷങ്ങളിലെത്തുന്നു.
ലോകനാഥൻ ശ്രീനിവാസനാണ് ഛായാഗ്രാഹകൻ. എസ്.സുരേഷ് ബാബുവാണ് ചിത്രത്തിന് തിരക്കഥ രചിച്ചിരിക്കുന്നത്. റൂബി ഫിലിംസിന്‍റെ ബാനറിൽ തോമസ് ജോസഫ് പട്ടത്താനം, ജയന്ത് മാമ്മൻ എന്നിവരാണ് ജൂതൻ നിർമിക്കുന്നത്.
