തനിക്കെതിരേ കഴിഞ്ഞദിവസം സോഷ്യല്‍ മീഡിയയില്‍ പ്രചരിക്കുന്ന വ്യാജവാര്‍ത്തകളോട് പ്രതികരിച്ച് ഗായിക റിമി ടോമി രംഗത്ത്.
കഴിഞ്ഞ ഏതാനും ദിവസങ്ങളായി തന്‍റെ വിവാഹം സംബന്ധിച്ച് സോഷ്യല്‍ മീഡിയയില്‍ പ്രചരിക്കുന്ന എല്ലാ വാര്‍ത്തകളും വ്യാജമാണെന്നാണ് റിമി ടോമി പറയുന്നത്. സോഷ്യല്‍ മീഡിയയില്‍ പങ്കുവച്ച വീഡിയോയിലാണ് റിമിയുടെ പ്രതികരണം.
റിമി ടോമിയുടെ വാക്കുകള്‍- ഒരു രക്ഷയുമില്ല, രണ്ടു ദിവസങ്ങളായി കോളോട് കോളാണ്. വീഡിയോയുടെ തലക്കെട്ടില്‍ കൊടുത്തപോലെ കല്യാണമായോ റിമി എന്ന് നിരവധിപ്പേര്‍ വിളിച്ച് ചോദിക്കുന്നു.
ഇതൊന്നു വ്യക്തമാക്കാന്‍ ആണ് ഞാന്‍ ഇപ്പോള്‍ ഇത്തരമൊരു വീഡിയോയുമായി വന്നത്. എന്നെ അറിയുന്നവരും എന്നെ ഇഷ്ടപ്പെടുന്നവരും അറിയുവാനാണ് ഇക്കാര്യം പറയുന്നത്.
ചിലര്‍ ഇത് അറിഞ്ഞിട്ടുണ്ടാവില്ല. ഇത് ഞങ്ങളോട് എന്തിനു പറയണം എന്ന് അവര്‍ ആലോചിക്കേണ്ട കാര്യമില്ല. ഇത് അറിയാന്‍ ആഗ്രഹമുള്ളവരോട് മാത്രമായി പറയുകയാണ്. അങ്ങനെ ഒന്നുമില്ല.
നമ്മളോട് ഒന്നും ചോദിക്കാതെ എന്തിന് ഇത്തരം വാര്‍ത്തകള്‍ വരുന്നത് എന്ന് എനിക്കറിയില്ല. ഭാവിയില്‍ അങ്ങനെ എന്തെങ്കിലും ഉണ്ടായാല്‍ അത് ഞാന്‍ നിങ്ങളെ അറിയിക്കാതിരിക്കുവോ. ഓണ്‍ലൈന്‍ വാര്‍ത്താ ചാനലുകള്‍ ധാരാളം വിളി‍ക്കുന്നുണ്ട്.
അവര്‍ എന്തിനാ വിളിക്കുന്നത് എന്ന് അറിയില്ല . നല്ല ഉറപ്പോടെയാണ് അവര്‍ വാര്‍ത്തകള്‍ നല്‍കുന്നത്. നമ്മള്‍ ഇങ്ങനെയൊക്കെ അങ്ങ് പോണു…
എന്തെങ്കിലും പുതിയ കാര്യങ്ങള്‍ ഉണ്ടായാല്‍ ഞാന്‍ ആദ്യം നിങ്ങളെ അറിയിക്കും. അപ്പോള്‍ മാത്രം വിശ്വസിച്ചാല്‍ മതി. കല്യാണം ഒന്നുമായിട്ടില്ല. ഇപ്പോള്‍ ഞാന്‍ അങ്ങനെ അങ്ങ് ജീവിച്ചു പൊക്കോട്ടെ.
ഏതാനും ദിവസങ്ങള്‍ക്ക് മുമ്പാണ് സോഷ്യല്‍ മീഡിയയില്‍ റിമി ടോമിയുടെ വിവാഹമാണെന്ന തരത്തില്‍ വാര്‍ത്ത പ്രത്യക്ഷപ്പെട്ടത്.
ഓണ്‍ലൈന്‍ വാര്‍ത്തകളിലാണ് വ്യാപകമായി പ്രചരിച്ചത്. സിനിമാ മേഖലയില്‍ നിന്നുള്ള ആളാണ് വരന്‍ എന്നായിരുന്നു പ്രചാരണം.
ഇതിന് പിന്നാലെ സോഷ്യല്‍ മീഡിയയില്‍ വലിയ ചര്‍ച്ചകളാണ് നടന്നത്. വരന്‍ ആരായിരിക്കും എന്ന തരത്തിലാണ് ചര്‍ച്ചകള്‍ പോയത്. ഇതിന് പിന്നാലെയാണ് സ്വന്തം യൂട്യൂബ് ചാനലില്‍ വീഡിയോയുമായി റിമി പ്രത്യക്ഷപ്പെട്ടത്.
