മുക്കം: മുക്കം ആനയാംകുന്നിൽ ദളിത് പെൺകുട്ടി ആത്മഹത്യ ചെയ്ത സംഭവത്തിൽ കുട്ടിയുടെ ആൺസുഹൃത്ത് അറസ്റ്റിൽ. മുരിങ്ങം പുറായി സ്വദേശി റിനാസ് ആണ് അറസ്റ്റിലായത്. 306 ാം വകുപ്പ് പ്രകാരം ആത്മഹത്യ പ്രേരണ കുറ്റത്തിനാണ് അറസ്റ്റ് ചെയ്തത്.
പ്രതിയെ ഇന്ന് കോടതിയിൽ ഹാജരാക്കും. യുവാവിനെതിരെ പെൺകുട്ടിയുടെ ബന്ധുക്കൾ പരാതി നൽകിയിരുന്നു. വിവിധ സംഘടനകളും വിഷയത്തിൽ പ്രതിഷേധവുമായി എത്തിയിരുന്നു. ആനയംകുന്ന് ഹയർ സെക്കന്‍ഡറി സ്‌കൂളിലെ പ്ലസ്ടു വിദ്യാർഥിനിയാണ് ജീവനൊടുക്കിയത്.
