ഇന്ത്യൻ ടെസ്റ്റ് ക്രിക്കറ്റിൽ യുവതാരം ഋഷഭ് പന്ത് അരങ്ങേറിയത് ചരിത്രം കുറിച്ച്. ഇരുപതുകാരനായ പന്ത് ഇംഗ്ലണ്ടിനെതിരായ മൂന്നാം ടെസ്റ്റിലാണ് അരങ്ങേറ്റം കുറിച്ചത്. ഏഴാം നന്പർ ബാറ്റ്സ്മാനായി ക്രീസിലെത്തിയ പന്ത് തന്‍റെ അക്കൗണ്ട് തുറന്നത് ഒരു സിക്സറിലൂടെ.
അരങ്ങേറ്റത്തിൽ സിക്സറിലൂടെ അക്കൗണ്ട് തുറന്ന ആദ്യ ഇന്ത്യൻ താരമെന്ന റിക്കാർഡ് ഇതിലൂടെ പന്ത് സ്വന്തമാക്കി. ലെഗ് സ്പിന്നർ ആദിൽ റഷീദിന്‍റെ പന്ത് സിക്സർ പറത്തിയായിരുന്നു പന്ത് അരങ്ങേറ്റ ടെസ്റ്റിലെ ആദ്യ റണ്‍സ് കുറിച്ചത്. ടെസ്റ്റ് ചരിത്രത്തിൽ ഈ നേട്ടം സ്വന്തമാക്കുന്ന 12-ാമത് താരമാണ് പന്ത്. 51 പന്ത് നേരിട്ട പന്ത് 24 റണ്‍സ് എടുത്തു.
