റിയാസ് ഖാൻ – അനീഷ് ജെ കരിനാട് ടീമിന്‍റെ പുതിയ ത്രില്ലർ സിനിമയായ സസ്പെൻസ് കില്ലർ ഫസ്റ്റ് ലുക്ക് പോസ്റ്റർ മോഹൻലാൽ പുറത്തിറക്കി. റിയാസ് ഖാനൊപ്പം പോസ്റ്റർ പ്രകാശനം നടത്തിയ മോഹൻലാൽ ഒൗദ്യോഗിക ഫെയ്സ് ബുക്ക് പേജിലും പ്രസിദ്ധീകരിച്ചു.
ജെ.പി.എസ് ഇന്‍റർനാഷണലിന്‍റെ ബാനറിൽ ജോസുകുട്ടി പാലായും ആന്‍റണി കുന്പളയും ചേർന്നാണ് സസ്പെൻസ് കില്ലർ നിർമ്മിയ്ക്കുന്നത്.
അനീഷ് ജെ കരിനാട് സംവിധാനം ചെയ്ത രണ്ട് സിനിമകളിൽ നിന്നും വ്യത്യസ്തമായ ജോണറിലുള്ളതാണ് മൂന്നാമത്തെ ചിത്രമായ സസ്പെൻസ് കില്ലർ.
റിയാസ് ഖാൻ സൂപ്പർ ആക്ഷൻ ഹീറോ ആയി അഭിനയിക്കുന്ന സസ്പെൻസ് കില്ലറിന്‍റെ രചനയും സംവിധാനവും അനീഷ് ജെ കരിനാട് നിർവഹിച്ചു.
റിയാസ് ഖാന്‍റെ രണ്ട് ഫൈറ്റും ഡാൻസും ത്രസിപ്പിയ്ക്കുന്ന കഥയുമാണ് ചിത്രത്തിന്‍റെ ഹൈലൈറ്റ് . മാഫിയ ശശിയാണ് ഈ മാസ് എന്‍റർടെയ്നറിലെ ആക്ഷൻ രംഗങ്ങൾ ഒരുക്കിയത്. ഉത്പൽ വി നായനാർ ഛായാഗ്രഹണം നടത്തി.
എഡിറ്റർ : ഹാഷിം, സംഗീതം : ഷാനോ ജോർജ് ഫ്രാൻസിസ് , ഗാനരചന: അനീഷ് ജെ കരിനാട്, പ്രൊഡക്ഷൻ കണ്ട്രോളർ : ദീപു ശിവദീപം, പി.ആർ.ഒ : എ.എസ് പ്രകാശ്, കൊറിയോഗ്രാഫി : മനോജ് ഫിഡാക് അൻഡ് ജസ്റ്റിൻ, ആർട്ട് : പ്രതീഷ് , മേയ്ക്കപ്പ് : അനിൽ നേമം, കോസ്റ്റ്യൂംസ് : വിഷ്ണു , തീം മ്യൂസിക് : ജയ്സണ്‍ മോറിസ്, സ്റ്റിൽസ്: അഭിലാഷ്, ഡിസൈൻസ് : രഞ്ജിത്ത് മാഗ്നസ് എന്നിവരാണ് ചിത്രത്തിന്‍റെ മറ്റ് അണിയറ പ്രവർത്തകർ.
സസ്പെൻസും ത്രില്ലിങും നിറഞ്ഞ സസ്പെൻസ് കില്ലറിലെ പ്രധാന കഥാപാത്രങ്ങളെ റിയാസ് ഖാൻ, ഗണേഷ് കുമാർ, ചാലി പാല, കൊച്ചു പ്രേമൻ, പൂജപ്പുര രാധാകൃഷ്ണൻ, കനകലത, ജോസുകുട്ടി പാല, ആൻണി, ഫെസ്‌സി, റിയ, ചിത്ര, വിദ്യ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.
ഈ മാസ് എന്‍റർടെയ്നറിലൂടെ റിയാസ് ഖാൻ സൂപ്പർ ഹീറോ പരിവേഷത്തിലെത്തുമെന്ന് സംവിധായകൻ അനീഷ് ജെ കരിനാട് പറഞ്ഞു.
