നിരവധി വാദപ്രതിവാദങ്ങള്‍ക്കൊടുവില്‍ വാരിയന്‍കുന്നന്‍ പ്രധാന കഥാപാത്രമായി വരുന്ന അലി അക്ബര്‍ സംവിധാനം ചെയ്യുന്ന 1921 പുഴ മുതല്‍ പുഴ വരെ എന്ന സിനിമയുടെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തിരിക്കുകയാണ്.
ഞാന്‍ ആദ്യമായി മണി ചേട്ടനോടൊപ്പം ഒരു സിനിമാ ലൊക്കേഷനിലേക്ക് പോകുന്നത് പെരുമ്പാവൂരില്‍ ചിത്രീകരണം നടന്ന അലി അക്ബര്‍ സംവിധാനം ചെയ്ത മണി ചേട്ടന്‍ പ്രധാന വേഷം ചെയ്ത ബാംബൂ ബോയ്‌സിന്‍റെ ലൊക്കേഷനിലേക്കാണ്.
അവിടെ ചെന്നപ്പോള്‍ യാദൃച്ഛികമായി എന്നെക്കൊണ്ട് ഒരു കഥാപാത്രം ആ ചിത്രത്തില്‍ ചെയ്യിപ്പിച്ചത് അലി അക്ബര്‍ സാറായിരുന്നു.
ജെ .വില്യംസ് കാമറ ചലിപ്പിച്ച ആ ചിത്രത്തില്‍ ജഗതി ശ്രീകുമാര്‍ എന്ന അതുല്യ നടനോടൊപ്പം ആയിരുന്നു ആദ്യ ഷോട്ട്. ഷൂട്ടിംഗ് എന്താണെന്ന് കണ്ടിട്ടില്ലാത്ത ഞാന്‍ വളരെ പരിഭ്രാന്തനായ നിമിഷം.
ഒപ്പം കുറേ സിനിമാ നടന്മാരെ നേരില്‍ കണ്ട സന്തോഷവും.നാളുകള്‍ക്കിപ്പുറം മണി ചേട്ടന്‍റെ വിയോഗശേഷം ആ സംവിധായകന്‍ എന്നെ മറന്നില്ല.
ഈ ചിത്രത്തില്‍ ചാത്തന്‍ പുലയന്‍ എന്ന കഥാപാത്രത്തെ അവതരിപ്പിക്കാന്‍ തെഞ്ഞെടുത്ത് എന്നെയായിരുന്നു.
ഞങ്ങളുടെ പരിചയത്തില്‍ ധാരാളം സിനിമാ സംവിധായകര്‍ ഉണ്ടെങ്കിലും ഇങ്ങനെയൊരു ചേര്‍ത്തുനിര്‍ത്തലും സമാശ്വാസവും ഉണ്ടായത് അലി സാറില്‍ നിന്നാണ് എന്ന് തുറന്നു പറയുന്നതില്‍ യാതൊരു മടിയും ഇല്ല.
-ആര്‍എല്‍വി രാമകൃഷ്ണന്‍
