​വേ​ണു​വി​ന്‍റെ പേ​രി​ൽ വ​ധ​ശ്ര​മ​ത്തി​ന്  കേ​സെ​ടു​ത്ത പോലീസ് ന​ട​പ​ടി വി​വാ​ദ​ത്തി​ൽ; സി​പി​എ​മ്മി​ന്‍റെ ച​ട്ടു​ക​മാ​യി പോ​ലീ​സ് അ​ധഃ​പ​തി​ച്ചെ​ന്ന് ആർഎംപി ഐ

വ​ട​ക​ര: ആ​ർ​എം​പി​ഐ സം​സ്ഥാ​ന സെ​ക്ര​ട്ട​റി എ​ൻ.​വേ​ണു​വി​ന്‍റെ പേ​രി​ൽ വ​ധ​ശ്ര​മ​ത്തി​ന് കേ​സെ​ടു​ത്ത എ​ട​ച്ചേ​രി പോ​ലീ​സ്ന​ട​പ​ടി വി​വാ​ദ​ത്തി​ലേ​ക്ക്. സി​പി​എ​മ്മി​ന്‍റെ നി​ർ​ദേ​ശ പ്ര​കാ​രം വേ​ണു​വി​ന്‍റെ പേ​രി​ൽ ക​ള്ള​ക്കേ​സ് എ​ടു​ത്ത​താ​യാ​ണ് ആ​ക്ഷേ​പം. സി​പി​എം കു​ന്നു​മ്മ​ക്ക​ര ലോ​ക്ക​ൽ ക​മ്മി​റ്റി അം​ഗം ബ്രി​ജി​ത്ത് ബാ​ബു​വി​നെ ആ​ക്ര​മി​ച്ച​തി​ന്‍റെ പേ​രി​ലാ​ണ് വേ​ണു, ആ​ർ​എം​പി​ഐ ഒ​ഞ്ചി​യം ഏ​രി​യാ സെ​ക്ര​ട്ട​റി കു​ള​ങ്ങ​ര ച​ന്ദ്ര​ൻ ഉ​ൾ​പെ​ടെ എ​ട്ട് ആ​ളു​ക​ളു​ടെ പേ​രി​ൽ വ​ധ​ശ്ര​മ​ത്തി​ന് കേ​സെ​ടു​ത്തി​രി​ക്കു​ന്ന​ത്.

ബ്രി​ജി​ത്ത് ബാ​ബു ആ​ക്ര​മി​ക്ക​പ്പെ​ടു​ന്ന പ​തി​നൊ​ന്നാം തി​യ​തി ഞാ​യ​റാ​ഴ്ച രാ​ത്രി വേ​ണു അ​ട​ക്ക​മു​ള്ള​വ​ർ ഓ​ർ​ക്കാ​ട്ടേ​രി​യി​ലെ ആ​ർ​എം​പി​ഐ ഏ​രി​യാ ക​മ്മി​റ്റി ഓ​ഫീ​സി​ലാ​യി​രു​ന്നു​വെ​ന്നാ​ണ് വി​വ​രം. ഓ​ഫീ​സ് ആ​ക്ര​മി​ച്ച​ത​റി​ഞ്ഞ് വേ​ണു​വും കൂ​ട്ട​രും അ​വി​ടെ എ​ത്തി​യ​താ​യി​രു​ന്നു. ഇ​തി​നി​ട​യി​ലാ​ണ് അ​ന്പ​തോ​ളം വ​രു​ന്ന സം​ഘം ഓ​ഫീ​സ് വ​ള​ഞ്ഞ​ത്. പോ​ലീ​സ് എ​ത്തി ആ​ർ​എം​പി​ഐ നേ​താ​ക്ക​ളേ​യും പ്ര​വ​ർ​ത്ത​ക​രേ​യും സു​ര​ക്ഷി​ത​മാ​യി മാ​റ്റി.

ക​രു​ത​ൽ ത​ട​ങ്ക​ൽ എ​ന്ന നി​ല​യി​ൽ ഇ​വ​രെ പ​യ്യോ​ളി സ്റ്റേ​ഷ​നി​ൽ പാ​ർ​പി​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് അ​ന്ന് വി​ശ​ദീ​ക​രി​ച്ച​ത്. എ​ന്നാ​ൽ, പി​റ്റേ​ന്ന് രാ​വി​ലെ​യാ​യ​തോ​ടെ ക​ഥ മാ​റി. ആ​ർ​എം​പി​ഐ ഓ​ഫീ​സി​ൽ നി​ന്ന് ആ​യു​ധ​ങ്ങ​ൾ പി​ടി​ച്ച​തി​ന്‍റെ പേ​രി​ൽ പ​തി​നാ​റു പേ​രെ പ്ര​തി ചേ​ർ​ത്ത പോ​ലീ​സ് വേ​ണു​വി​നെ വെ​റു​തെ വി​ട്ടു.

മ​റ്റു​ള്ള​വ​രെ റി​മാ​ന്‍റ് ചെ​യ്ത് ജ​യി​ലി​ൽ അ​ട​ച്ചു. ഇ​തി​നു ശേ​ഷ​മാ​ണ് വേ​ണു അ​ട​ക്ക​മു​ള്ള​വ​രു​ടെ പേ​രി​ൽ മ​റ്റൊ​രു പ​രാ​തി വ​രു​ന്ന​ത്. സി​പി​എം ലോ​ക്ക​ൽ ക​മ്മി​റ്റി അം​ഗ​ത്തെ ആ​ക്ര​മി​ച്ച​തി​ന്‍റെ പേ​രി​ൽ വേ​ണു അ​ട​ക്ക​മു​ള്ള​വ​ർ​ക്കെ​തി​രെ വ​ധ​ശ്ര​മ​ത്തി​ന് കേ​സെ​ടു​ത്ത​ത്. ഇ​തി​നു പി​ന്നി​ൽ രാ​ഷ്ട്രീ​യ ഗൂ​ഢാ​ലോ​ച​ന ഉ​ണ്ടെ​ന്ന് ആ​ർ​എം​പി​ഐ ആ​രോ​പി​ച്ചു. സി​പി​എ​മ്മി​ന്‍റെ ച​ട്ടു​ക​മാ​യി പോ​ലീ​സ് അ​ധഃ​പ​തി​ച്ചെ​ന്ന് ഇ​വ​ർ കു​റ്റ​പ്പെ​ടു​ത്തി.

ആ​ർ​എം​പി​ഐ​യെ രാ​ഷ്ട്രീ​യ​മാ​യി ഇ​ല്ലാ​താ​ക്കാ​നു​ള്ള നീ​ക്ക​ത്തി​ന്‍റെ ഭാ​ഗ​മാ​ണ് ഇ​ത്ത​രം ന​ട​പ​ടി​യെ​ന്നും ആ​ക്ഷേ​പ​മു​ണ്ട്. അ​തേ​സ​മ​യം ബാ​ബു​വി​നെ വ​ധി​ക്കാ​ൻ ശ്ര​മി​ച്ച​തി​ൽ വേ​ണു കു​റ്റാ​രോ​പി​ത​ൻ മാ​ത്ര​മാ​ണെ​ന്നും അ​ന്വേ​ഷി​ച്ച് ന​ട​പ​ടി സ്വീ​ക​രി​ക്കു​മെ​ന്നു​മാ​ണ് പോ​ലീ​സ് നി​ല​പാ​ട്.