പരാതികൾ ഒന്നും അവർ പരിഗണിച്ചില്ല;  റോ​ഡി​ലെ കു​ഴി​യി​ൽ വീ​ണ്  അ​മ്മ​യ്ക്കും മ​ക​നും പ​രി​ക്ക്; പതിമൂന്നുകാരന്‍റെ കാൽ ഓടിഞ്ഞു

ഹ​രി​പ്പാ​ട്: റോ​ഡി​ലെ കു​ഴി​യി​ൽ വീ​ണ് സ്കൂ​ട്ട​ർ യാ​ത്ര​ക്കാ​രാ​യ അ​മ്മ​യ്ക്കും മ​ക​നും പ​രി​ക്കേ​റ്റു. പതിമൂന്നു വയസുള്ള മകന്‍റെ കാ​ലൊ​ടി​ഞ്ഞു.

മ​ണ്ണാ​റ​ശാ​ല​ അ​ഞ്ജ​നേ​യ​മ​ഠ​ത്തി​ൽ പ്രി​യ എ​സ്. പൈ, മ​ക​ൻ സ്നേ​ഹേ​ഷ് എ​സ്. ഷേ​ണാ​യി എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.​ ഇ​ന്ന​ലെ ഉ​ച്ച​യ്ക്ക് 12 ന് സു​ബ്ര​ഹ്മ​ണ്യസ്വാ​മി ക്ഷേ​ത്ര​ത്തി​നു പു​റ​കു​വ​ശ​ത്തു​ള്ള റോ​ഡി​ലെ കു​ഴി​യി​ൽ വീ​ണാ​ണ് അ​പ​ക​ട​മു​ണ്ടാ​യ​ത്.

പ്രി​യ ഓ​ടി​ച്ച സ്കൂ​ട്ട​ർ റോ​ഡി​ലെ വ​ലി​യ കു​ഴി​യി​ലേ​ക്ക് വീ​ണ് നി​യ​ന്ത്ര​ണം തെ​റ്റി മ​റി​യു​ക​യാ​യി​രു​ന്നു. നാ​ട്ടു​കാ​ർ ഉ​ട​ൻ​ത​ന്നെ ഇ​രു​വ​രെ​യും ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വ​ർ​ഷ​ങ്ങ​ളാ​യി ത​ക​ർ​ന്നു​കി​ട​ക്കു​ന്ന തി​രു​വി​താം​കൂ​ർ ദേ​വ​സ്വം ബോ​ർ​ഡി​ന്‍റെ ഉ​ട​മ​സ്ഥ​ത​യി​ലു​ള്ള റോ​ഡ് ന​ന്നാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി പ​രാ​തി​ക​ൾ ദേ​വ​സ്വം ബോ​ർ​ഡി​നു ന​ൽ​കി​യെ​ങ്കി​ലും ഇ​തു​വ​രെ​യും ന​ട​പ​ടി സ്വീ​ക​രി​ക്കാ​ൻ ത​യാറാ​യി​ട്ടി​ല്ലെ​ന്നും കൂ​ടു​ത​ൽ അ​പ​ക​ടം ഉ​ണ്ടാ​കു​ന്ന​തി​ന് മു​മ്പ് അ​ടി​യ​ന്ത​ര​മാ​യി റോ​ഡ് ന​ന്നാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.