യാ​ത്ര​ക്കാ​ർ​ക്ക് ഭീ​ഷ​ണി​യാ​യി ഊ​ന്നു​ക​ൽ-​വെ​ങ്ങ​ല്ലൂ​ർ ഭാ​ഗ​ങ്ങ​ളി​ൽ  റോഡ് ഇടിഞ്ഞ് താണ നിലയിൽ;  അപകടങ്ങൾ പതിവാകുന്നതായി നാട്ടുകാർ

കോ​ത​മം​ഗ​ലം: സം​സ്ഥാ​ന പാ​ത​യി​ൽ ഊ​ന്നു​ക​ൽ-​വെ​ങ്ങ​ല്ലൂ​ർ ഭാ​ഗ​ങ്ങ​ളി​ൽ റോ​ഡ് ത​ക​ർ​ന്ന​ത് യാ​ത്ര​ക്കാ​ർ​ക്ക് ഭീ​ഷ​ണി​യാ​കു​ന്നു. ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ സ​ഞ്ച​രി​ക്കു​ന്ന റോ​ഡി​ന് സം​ര​ക്ഷ​ണ​ഭി​ത്തി ഇ​ല്ലാ​ത്ത​തി​നാ​ൽ അ​രി​ക് ഇ​ടി​യു​ന്ന​ത് വ്യാ​പ​ക​മാ​യ​തോ​ടെ​യാ​ണ് അ​പ​ക​ട ഭീ​ഷ​ണി ഉ​യ​ർ​ന്നി​രി​ക്കു​ന്ന​ത്.

നാ​ട്ടു​കാ​ർ റി​ബ​ണ്‍ കെ​ട്ടി മു​ന്ന​റി​യി​പ്പ് ന​ൽ​കി​യി​ട്ടു​ണ്ടെ​ങ്കി​ലും നി​ര​വ​ധി വാ​ഹ​ന​ങ്ങ​ളാ​ണ് അ​പ​ക​ട​ത്തി​ൽ​പ്പെ​ടു​ന്ന​ത്. റോ​ഡി​ന് ഇ​രു​വ​ശ​ങ്ങ​ളി​ലും പു​ല്ലും കാ​ടു​പ​ട​ല​ങ്ങ​ളും ഉ​യ​ർ​ന്നു നി​ൽ​ക്കു​ന്ന​തി​നാ​ൽ റോ​ഡി​ന്‍റെ ത​ക​ർ​ച്ച യാ​ത്ര​ക്കാ​ർ​ക്ക് കാ​ണാ​ൻ സാ​ധി​ക്കു​ന്നി​ല്ല. വ​ള​വു​ക​ളി​ലും വീ​തി കു​റ​ഞ്ഞ ഇ​ട​ങ്ങ​ളി​ലു​മാ​ണ് അ​ധി​ക​വും റോ​ഡ​രി​ക് ഇ​ടി​ഞ്ഞി​രി​ക്കു​ന്ന​ത്.

ഊ​ന്നു​ക​ല്ലി​ന് സ​മീ​പം റോ​ഡ് ടാ​ർ ചെ​യ്ത ഭാ​ഗം ര​ണ്ട​ടി വ​രെ ഇ​ടി​ഞ്ഞി​രി​ക്കു​ന്ന​ത് ഇ​രു​ച​ക്ര​വാ​ഹ​ന​ങ്ങ​ൾ​ക്കും കാ​ൽ​ന​ട യാ​ത്ര​ക്കാ​ർ​ക്കും ഒ​രു പോ​ലെ ദു​രി​ത മാ​യി​രി​ക്കു​ക​യാ​ണ്. അ​മി​ത​ഭാ​രം ക​യ​റ്റി വ​രു​ന്ന ടോ​റ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ ഈ ​ഭാ​ഗ​ത്തു കൂ​ടി ക​ട​ന്നു​പോ​കു​ന്പോ​ൾ റോ​ഡ് കൂ​ടു​ത​ൽ ത​ക​രു​ന്ന​തി​നും കാ​ര​ണ​മാ​കു​ന്നു​ണ്ട്.

ടാ​റിം​ഗി​ന്‍റെ അ​ടി​ഭാ​ഗ​ത്തെ മ​ണ്ണ് ക​ന​ത്ത മ​ഴ​യി​ൽ ഒ​ലി​ച്ചു​പോ​യ​തും അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു. നി​ര​വ​ധി ഇ​ട​ങ്ങ​ളി​ൽ വെ​ള്ളം കു​ത്തി ഒ​ഴു​കി ടാ​റി​ട്ട ഭാ​ഗ​ത്തി​ന് സ​മീ​പം ആ​ഴ​ത്തി​ൽ ക​ട്ടിം​ഗു​ക​ൾ രൂ​പ​പ്പെ​ട്ട​തും ചെ​റു​വാ​ഹ​ന​ങ്ങ​ൾ​ക്ക് ഭീ​ഷ​ണി​യാ​ണ്.

കാ​റു​ക​ളു​ൾ​പ്പെ​ടെ ചെ​റി​യ വാ​ഹ​ന​ങ്ങ​ൾ അ​പ്ര​തീ​ക്ഷി​ത​മാ​യി സൈ​ഡ് ചേ​ർ​ക്കു​ന്പോ​ൾ അ​ടി​ഭാ​ഗ​മി​ടി​ച്ച് വാ​ഹ​ന​ങ്ങ​ൾ​ക്ക് ത​ക​രാ​ർ സം​ഭ​വി​ക്കു​ന്ന​തും പ​തി​വാ​ണ്. റോ​ഡി​ന്‍റെ വീ​തി​ക്കു​റ​വും അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു. വാ​ഹ​ന​ങ്ങ​ളു​ടെ ബാ​ഹു​ല്യ​വും റോ​ഡി​ന്‍റെ ത​ക​ർ​ച്ച​യും യാ​ത്ര​ക്കാ​രു​ടെ ജീ​വ​ന് ഭീ​ഷ​ണി​യാ​യി മാ​റി​യി​രി​ക്കു​ക​യാ​ണ്.