ക​റു​ക​ച്ചാ​ലി​ൽ കോ​വി​ഡ് അ​ല്ല, ക​ള്ള​ൻ​മാ​രാ​ണ് പെ​രു​കി​യ​ത്; ഒ​ടു​വി​ല​ത്തെ മോ​ഷ​ണം പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ലും; ഇ​വി​ടെ ഉണ്ടായിരുന്ന ചില്ലറതൊട്ടുപോലും കള്ളൻ കൊണ്ടുപോയി

ക​റു​ക​ച്ചാ​ൽ: മോ​ഷ്ടാ​ക്ക​ളു​ടെ ശ​ല്യ​ത്തി​ൽ പൊ​റു​തി​മു​ട്ടി പ്ര​ദേ​ശ​വാ​സി​ക​ൾ. ക​റു​ക​ച്ചാ​ൽ, നെ​ടു​ങ്കു​ന്നം തു​ട​ങ്ങി​യ പ്ര​ദേ​ശ​ങ്ങ​ളി​ൽ ക​ഴി​ഞ്ഞ ഏ​താ​നും നാ​ളു​ക​ളാ​യി ക​ള്ള​ൻ​മാ​ർ വി​ഹ​രി​ക്കു​ക​യാ​ണ്.

ഓ​രോ മോ​ഷ​ണം ന​ട​ക്കു​ന്പോ​ഴും പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തു​ന്ന​ത​ല്ലാ​തെ പ്ര​തി​ക​ളെ പി​ടി​കൂ​ടു​ന്നി​ല്ല.ക​ഴി​ഞ്ഞ ദി​വ​സം നെ​ടും​കു​ന്നം പ​ഞ്ചാ​യ​ത്ത് പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ൽ ന​ട​ന്ന മോ​ഷ​ണ​മാ​ണ് ഒ​ടു​വി​ലു​ണ്ടാ​യ​ത്.

പ​ഞ്ചാ​യ​ത്തോ​ഫീ​സി​നോ​ടു ചേ​ർ​ന്നു പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ന്‍റെ ആ​സ്ബ​റ്റോ​സ് ഷീ​റ്റ് ഇ​ള​ക്കി​യ​ശേ​ഷ​മാ​ണു മോ​ഷ്ടാ​വ് ആ​ശു​പ​ത്രി​ക്കു​ള്ളി​ൽ ക​യ​റി​യ​ത്. ഒ​പി ടി​ക്ക​റ്റ് എ​ടു​ക്കു​ന്ന ഭാ​ഗ​ത്തെ മേ​ശ​യ്ക്കു​ള്ളി​ൽ സൂ​ക്ഷി​ച്ചി​രു​ന്ന 126 രൂ​പ ന​ഷ്ട​മാ​യി.

കെ​ട്ടി​ട​ത്തി​നു​ള്ളി​ലെ സാ​ധ​ന​ങ്ങ​ളെ​ല്ലാം വാ​രി​ വ​ലി​ച്ചി​ട്ടി​രു​ന്നു. അ​ല​മാ​ര​യും മ​റ്റു​മേ​ശ​ക​ളും എ​ല്ലാ തു​റ​ന്നി​ട്ട നി​ല​യി​ലാ​യി​രു​ന്നു. രേ​ഖ​ക​ള​ട​ക്കം കെ​ട്ടി​ട​ത്തി​നു​ള്ളി​ൽ വാ​രി​വ​ലി​ച്ചി​ട്ട​ശേ​ഷ​മാ​ണു മോ​ഷ്ടാ​വ് പോ​യ​ത്.

ക​ഴി​ഞ്ഞ ഏ​താ​നും നാ​ളു​ക​ൾ​ക്കി​ട​യി​ൽ പ്ര​ദേ​ശ​ത്ത് വീ​ടു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും ആ​രാ​ധ​നാ​ല​യ​ങ്ങ​ളും കാ​ണി​ക്ക വ​ഞ്ചി​യി​ലും ഉ​ൾ​പ്പെ​ടെ നി​ര​വ​ധി മോ​ഷ​ണ​ങ്ങ​ളാ​ണ് ന​ട​ന്നി​രി​ക്കു​ന്ന​ത്.

മോ​ഷ്ടാ​ക്ക​ളു​ടെ ശ​ല്യം വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ൽ പോ​ലീ​സ് പ​ട്രോ​ളിം​ഗ് കാ​ര്യ​ക്ഷ​മ​മാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.