ക്രിക്കറ്റുമില്ല, കുട്ടീം കോലുമില്ല;  ഇനിയുള്ള കളികൾ റോബോട്ടിനോടൊപ്പം

സ്വ​ന്തം ​ലേ​ഖ​ക​ൻ
തൃ​ശൂ​ർ: അ​വ​ധി​ക്കാ​ല​ത്തെ കളി കാര്യമാകുന്നു. ക്രി​ക്ക​റ്റും ഫു​ട്ബോ​ളും കുട്ടി​യും കോ​ലു​മൊ​ക്കെ ക​ളി​ക്കു​ന്ന കാ​ലം മാ​റി. ഇ​നി മ​നു​ഷ്യ​നെ വ​രെ നി​യ​ന്ത്രി​ക്കു​ന്ന റോ​ബോ​ട്ടു​ക​ളെ നി​ർ​മി​ക്കാ​നു​ള്ള തി​ര​ക്കി​ലാ​യി​രി​ക്കും കു​ട്ടി​ക​ൾ. റോ​ബോ​ട്ടു​ക​ളു​ടെ ലോ​ക​ത്തെ വ​ര​വേ​ൽ​ക്കാ​ൻ കു​ട്ടി​ക​ളെ പ്രാ​പ്ത​രാ​ക്കാ​നു​ള്ള ല​ക്ഷ്യ​വു​മാ​യി ര​ണ്ടു ചെ​റു​പ്പ​ക്കാ​ർ രം​ഗ​ത്തെ​ത്തി​യി​രി​ക്കു​ന്നു.

സ്റ്റെം ​റോ​ബോ​ട്ടി​ക്സ് അ​ക്കാ​ദ​മി എ​ന്ന പേ​രി​ൽ പൂ​ങ്കു​ന്ന​ത്താ​ണ് റോ​ബോ​ട്ടി​ക് പ​രി​ശീ​ല​നം ആ​രം​ഭി​ച്ചി​രി​ക്കു​ന്ന​ത്. ഒ​രു ക​ളി​പ്പാ​ട്ടം കി​ട്ടി​യാ​ൽ അ​ത് അ​ഴി​ച്ച് അ​തി​നു​ള്ളി​ലെ മെ​ക്കാ​നി​സം പ​ഠി​ക്കാ​ൻ ശ്ര​മി​ക്കാ​ത്ത കു​ട്ടി​ക​ൾ കുറവാ ണ്. കു​ട്ടി​ക​ൾ​ക്കു​ള്ളി​ൽ ഉ​റ​ങ്ങി​ക്കിട​ക്കു​ന്ന ഈ ​ക​ഴി​വു​ക​ൾ വി​ക​സി​പ്പി​ച്ച് ക്രി​യാ​ത്മ​ക​മാ​യ പ​രീ​ക്ഷ​ണ​ങ്ങ​ളും ക​ണ്ടു​പി​ടി​ത്ത​ങ്ങ​ളും ന​ട​ത്തു​ന്ന​തി​ന് പ്ര​ചോ​ദി​പ്പി​ക്കു​ക​യെ​ന്ന​താ​ണ് റോ​ബോ​ട്ടി​ക്സ് പ​രി​ശീ​ല​ന​ത്തി​ന്‍റെ പ്ര​ധാ​ന ല​ക്ഷ്യം.

തൃ​ശൂ​ർ സ്വ​ദേ​ശി​യാ​യ ജ​യ​റാം രാ​മ​കൃ​ഷ്ണ​നും സു​ഹൃ​ത്താ​യ രാ​ഹു​ലും ചേ​ർ​ന്ന് ഒ​രു വ​ർ​ഷം മു​ന്പാ​ണ് റോ​ബോ​ട്ടി​ക്സ് അ​ക്കാ​ദ​മി എ​ന്ന ആ​ശ​യ​ത്തി​ന് സ്വി​ച്ചി​ട്ട​ത്. ഇ​തി​ന​കം ഒട്ടേറെ കു​ട്ടി​ക​ൾ ഇ​വി​ടെനി​ന്നു പ​രി​ശീ​ല​നം നേ​ടി​യ​താ​യി ജ​യ​റാം പ​റ​ഞ്ഞു. അ​യ​ൽ സം​സ്ഥാ​ന​ങ്ങ​ളി​ൽ റോ​ബോ​ട്ടി​ക്സ് രം​ഗ​ത്ത് നി​ര​വ​ധി പ​രി​ശീ​ല​ന കേ​ന്ദ്ര​ങ്ങ​ൾ പ്രവർത്തി ക്കുന്നു​ണ്ട്.

ഇ​ത്ത​രം കേ​ന്ദ്ര​ങ്ങ​ൾ അ​ന്വേ​ഷി​ച്ച് ക​ണ്ടെ​ത്തി​യാ​ണ് കേ​ര​ള​ത്തി​ലെ കു​ട്ടി​ക​ളെ​യും സാ​ങ്കേ​തി​ക രം​ഗ​ത്ത് മു​ന്നി​ലെ​ത്തി​ക്കു​ക​യെ​ന്ന ഉ​ദ്ദേ​ശ്യത്തോ​ടെ അ​ക്കാ​ദ​മി തു​ട​ങ്ങാ​ൻ തീ​രു​മാ​നി​ച്ച​ത്. തൃ​ശൂ​രി​ൽ തു​ട​ങ്ങി​യ അ​ക്കാ​ദ​മി​ക്ക് എ​റ​ണാ​കു​ളം, തി​രു​വ​ന​ന്ത​പു​രം, ദു​ബാ​യ്, ബാം​ഗ​ളൂ​ർ എ​ന്നി​വി​ട​ങ്ങ​ളി​ലും പ​രി​ശീ​ല​ന കേ​ന്ദ്ര​ങ്ങ​ളു​ണ്ട്.

അ​വ​ധി​ക്കാ​ല​ത്ത് കു​ട്ടി​ക​ൾ​ക്ക് പ​രി​ശീ​ല​നം ന​ൽ​കാ​ൻ ഹ്ര​സ്വ കോ​ഴ്സു​ക​ൾ​ക്കാ​ണ് അ​ക്കാ​ദ​മി രൂ​പം ന​ൽ​കി​യി​രി​ക്കു​ന്ന​ത്. ആ​റു വ​യ​സു മു​ത​ലു​ള്ള കു​ട്ടി​ക​ൾ​ക്കാ​ണ് പ​രി​ശീ​ല​നം ന​ൽ​കു​ന്ന​ത്. പ​ത്തു ദി​വ​സം മു​ത​ൽ മൂ​ന്നു മാ​സം വ​രെ​യു​ള്ള കോ​ഴ്സു​ക​ൾ കു​ട്ടി​ക​ൾ​ക്കും എ​ൻ​ജി​നി​യ​റിം​ഗ് വി​ദ്യാ​ർ​ഥി​ക​ൾ​ക്കു​മാ​യി ന​ട​ത്തു​ന്നു​ണ്ട്. അ​വ​ധി​ക്കാ​ല ക്ലാ​സു​ക​ൾ ഏ​പ്രി​ൽ ഒ​ന്നി​ന് ആ​രം​ഭി​ക്കും.

റോ​ബോ​ട്ടി​ക് സാ​ങ്കേ​തി​ക വി​ദ്യ​യു​മാ​യി ബ​ന്ധ​പ്പെ​ട്ട് ചു​രു​ക്കം ചി​ല എ​ൻ​ജി​നി​യ​റിം​ഗ് കോ​ള​ജു​ക​ളി​ൽ മാ​ത്ര​മാ​ണ് മെ​ക്ക​ട്രോ​ണി​ക്സ് എ​ന്ന കോ​ഴ്സ് ന​ട​ത്തു​ന്ന​ത്. എ​ന്നാ​ൽ ഭാ​വി​യി​ൽ റോ​ബോ​ട്ടി​ക്സ് രം​ഗ​ത്തും ആ​ധു​നി​ക ശാ​സ്ത്ര സാ​ങ്കേ​തി​ക രം​ഗ​ത്തും വി​ദ്യാ​ർ​ഥി​ക​ൾ​ക്ക് മി​ക​ച്ച അ​വ​സ​ര​ങ്ങ​ളാ​ണ് തു​റ​ന്നി​രി​ക്കു​ന്ന​ത്.

കേ​ര​ള പോ​ലീ​സ് പ്രാ​തി​നി​ധ്യം വ​ഹി​ക്കു​ന്ന സൈ​ബ​ർ ബോ​ധ​വ​ൽ​ക്ക​ര​ണ പ​രി​പാ​ടി​യാ​യ “കി​ഡ്സ് ഗ്ലോ​വ്’ സ്റ്റെം ​അ​ക്കാ​ദ​മി​യു​മാ​യി സ​ഹ​ക​രി​ച്ചാ​ണ് കേ​ര​ള​ത്തി​ലു​ട​നീ​ളം പ്ര​വ​ർ​ത്തി​ക്കു​ന്ന​ത്. കു​ട്ടി​ക​ളെ സൈ​ബ​ർ ലോ​ക​ത്തെ​ക്കു​റി​ച്ചും അ​തി​ൽ ന​ട​ക്കു​ന്ന കു​റ്റ​കൃ​ത്യ​ങ്ങ​ളെ​ക്കു​റി​ച്ചും ബോ​ധ​വാ​ൻ​മാ​രാ​ക്കു​ന്നതിനും, നൂ​ത​ന സാ​ങ്കേ​തി​ക വി​ദ്യ​ക​ൾ പ​രി​ച​യ​പ്പ​ടു​ത്തു​ന്ന​തി​നു​മാ​ണ് കി​ഡ്സ് ഗ്ലോ​വ് എ​ന്ന പ​ദ്ധ​തി ന​ട​പ്പാ​ക്കു​ന്ന​ത്.