ബെയ്റൂട്ട്: തെക്കൻ ലെബനനിലെ ഹിസ്ബുള്ള കേന്ദ്രങ്ങളിൽ ഇസ്രയേൽ യുദ്ധവിമാനങ്ങൾ വ്യാപകമായി ആക്രമണം നടത്തി. ഹിസ്ബുള്ളയുടെ നൂറിലേറെ റോക്കറ്റ് ലോഞ്ചറുകൾ ആക്രമത്തിൽ തകർത്തതായി റോയിട്ടേഴ്സ് റിപ്പോർട്ട് ചെയ്തു.
ലെബനനിൽ ഇസ്രയേൽ നടത്തിയ പേജർ-വാക്കിടോക്കി സ്ഫോടന പരന്പരകൾക്ക് പ്രതികാരം ചെയ്യുമെന്ന് ഹിസ്ബുള്ള തലവൻ ഹസൻ നസ്‌റല്ല ഭീഷണിപ്പെടുത്തി മണിക്കൂറുകൾക്കുള്ളിലാണ് ഇസ്രയേൽ ഡിഫൻസ് ഫോഴ്‌സിന്‍റെ (ഐഡിഎഫ്) ആക്രമണം. ഹിസ്ബുള്ളയുടെ അടിസ്ഥാന സൗകര്യങ്ങൾ തകർക്കുമെന്ന് ഐഡിഎഫ് കുറിപ്പിൽ പറഞ്ഞു.
