ന​ട​ന്നു നടന്ന്, ലി​ഫ്റ്റ് ചോദിച്ച്…! രോഹൻ സ​ഞ്ച​രി​ച്ച​ത് 15 സം​സ്ഥാ​ന​ങ്ങ​ൾ; രോ​ഹ​ന്‍റെ സ്വ​പ്ന യാ​ത്ര ഒ​രു രൂ​പ പോ​ലും മു​ട​ക്കാ​തെ

തൊ​ടു​പു​ഴ: സ​ഞ്ചാ​രം ന​ൽ​കു​ന്ന അ​റി​വാ​ണ് രോ​ഹ​ൻ അ​ഗ​ർ​വാ​ളെ​ന്ന പ​ത്തൊ​ന്പ​തു​കാ​ര​ന്‍റെ സ​ന്പാ​ദ്യം.

അ​തുകൊ​ണ്ടാ​ണ് റോ​ഡ് ത​ന്‍റെ സ​ർ​വ​ക​ലാ​ശാ​ല​യും വ​ഴി​യി​ൽ കാ​ണു​ന്ന​വ​രും പ​രി​ച​യ​പ്പെ​ടു​ന്ന​വ​രും ത​ന്‍റെ സ്വാ​ഭാ​വി​ക അ​ധ്യാ​പ​ക​രെ​ന്നും രോ​ഹ​ൻ പ​റ​യു​ന്ന​ത്.

മ​ഹാ​രാ​ഷ്ട്ര നാ​ഗ്പൂ​ർ സ്വ​ദേ​ശി​യാ​യ രോ​ഹ​ൻ ക​ഴി​ഞ്ഞ വ​ർ​ഷം ഓ​ഗ​സ്റ്റ് 26നാ​ണ് ത​ന്‍റെ സ്വ​പ്ന യാ​ത്ര തു​ട​ങ്ങി​യ​ത്. ഇ​തി​നോ​ട​കം പി​ന്നി​ട്ട​ത് കേ​ര​ളം ഉ​ൾ​പ്പെ​ടെ 15 സം​സ്ഥാ​ന​ങ്ങ​ൾ.

സൈ​ബീ​രി​യ​യി​ലെ ത​ണു​പ്പ് ആ​സ്വ​ദി​ക്ക​ണ​മെ​ന്നു​ള്ള ല​ക്ഷ്യ​ത്തി​ലേ​ക്കു​ള്ള യാ​ത്ര​യാ​ണ് തു​ട​രു​ന്ന​ത്. ഇ​ന്ന​ലെ തൊ​ടു​പു​ഴ​യി​ലെ​ത്തി​യ രോ​ഹ​ൻ വി​വി​ധ​യി​ട​ങ്ങ​ൾ സ​ന്ദ​ർ​ശി​ച്ച​തി​നു ശേ​ഷം കൊ​ച്ചി​യി​ലേ​ക്ക് തി​രി​ച്ചു.

നാ​ഗ്പൂ​രി​ലെ ക​ർ​ഷ​ക കു​ടും​ബ​ത്തി​ലെ അം​ഗ​മാ​ണ് രോ​ഹ​ൻ. നാ​ഗ്പൂ​രി​ൽ കൃ​ഷി​യും ക​ട​യു​മാ​യി ഉ​പ​ജീ​വ​നം ന​ട​ത്തു​ന്ന ര​മേ​ശ്-സീ​മ ദ​ന്പ​തി​ക​ളു​ടെ മൂ​ത്ത​മ​ക​ൻ.

സ​ഞ്ചാ​ര​ത്തോ​ടു​ള്ള അ​ഭി​നി​വേ​ശംമൂ​ലം ബി​കോം പ​ഠ​നം ആ​രം​ഭ​ഘ​ട്ട​ത്തി​ൽ അ​വ​സാ​നി​പ്പി​ച്ചു.

ചെ​റു​പ്പം മു​ത​ൽ സ്വ​പ്നം കാ​ണു​ന്ന സ്ഥ​ല​ങ്ങ​ളെ​ല്ലാം സ​ന്ദ​ർ​ശി​ക്ക​ണ​മെ​ന്നാ​ണ് രോ​ഹ​ന്‍റെ ആ​ഗ്ര​ഹം. അ​ങ്ങ​നെ​യാ​ണ് രോ​ഹ​ൻ നാ​ടു ചു​റ്റാ​നി​റ​ങ്ങി​യ​ത്. ഇ​തി​ന്‍റെ ഭാ​ഗ​മാ​യാ​ണ് കേ​ര​ള​ത്തി​ലും ഇ​ടു​ക്കി​യി​ലു​മെ​ത്തി​യ​ത്.

‌ചെ​ല്ലു​ന്നി​ടം വീ​ടും കാ​ണു​ന്ന​വ​രൊ​ക്കെ രോ​ഹ​ന്‍റെ ആ​തി​ഥേ​യ​രു​മാ​ണ്. ചെ​ല്ലു​ന്ന സ്ഥ​ല​ങ്ങ​ളി​ൽ എ​ത്തി​ക്ക​ഴി​ഞ്ഞാ​ൽ അ​വി​ടെ​യു​ള്ള സ​ഞ്ചാ​ര പ്രി​യ​രു​ടെ കൂ​ടെ​യാ​കും താ​മ​സ​വും ഭ​ക്ഷ​ണവും.

പി​ന്നെ അ​ടു​ത്ത സ്ഥ​ല​ത്തേ​ക്കു​ള്ള യാ​ത്ര​യ്ക്കാ​യി ടി​ക്ക​റ്റും ബ​സ് ചാ​ർ​ജും അ​വി​ടെ​യു​ള്ള​വ​ർ മു​ട​ക്കും. വാ​ഹ​നം ല​ഭി​ച്ചി​ല്ലെ​ങ്കി​ൽ വ​ഴി​യി​ൽ വ​രു​ന്ന വാ​ഹ​ന​ങ്ങ​ൾ​ക്ക് കൈ ​കാ​ണി​ക്കും.

ലി​ഫ്റ്റ​ടി​ച്ച് അ​ടു​ത്ത സ്ഥ​ല​ത്തെ​ത്തും. ലി​ഫ്റ്റ് കി​ട്ടി​യി​ല്ലെ​ങ്കി​ൽ കി​ലോ​മീ​റ്റ​റു​ക​ളോ​ളം ന​ട​ക്കും. ഇ​ത്ത​ര​ത്തി​ൽ ഒ​രു രൂ​പ പോ​ലും മു​ട​ക്കാ​തെ​യാ​ണ് രോ​ഹ​ന്‍റെ സ്വ​പ്ന യാ​ത്ര.

ക​ഴി​ഞ്ഞ ദി​വ​സം രാ​മ​ക്ക​ൽ​മെ​ട്ടി​ൽ എ​ത്തി​യ രോ​ഹ​ൻ അ​വി​ടെ നി​ന്നാ​ണ് ജ​യ്സ​ണ്‍ എ​ന്ന​യാ​ളു​ടെ വാ​ഹ​ന​ത്തി​ൽ തൊ​ടു​പു​ഴ​യി​ലെ​ത്തി​യ​ത്.

ഇ​ന്ന​ലെ മു​ത​ല​ക്കോ​ടം സ്വ​ദേ​ശി ബി​നോ​യി അ​ഗ​സ്റ്റി​ൻ ആ​വ​ശ്യ​മാ​യ സ​ഹാ​യ​ങ്ങ​ൾ ന​ൽ​കി. ഒ​രു സ്ഥ​ല​ത്ത് എ​ത്തു​ന്ന​തി​ന് മു​ൻ​പേ സാ​മൂ​ഹി​ക മാ​ധ്യ​മ​ങ്ങ​ളി​ൽ ഒ​രു പോ​സ്റ്റി​ടും.

പോ​സ്റ്റ് ക​ണ്ട് നി​ര​വ​ധി പേ​ർ യാ​ത്രാസ​ഹാ​യ​വും താ​മ​സ സൗ​ക​ര്യ​വും ന​ൽ​കി. സ​ഞ്ചാ​ര പ്രി​യ​രാ​ണ് സ​ഹാ​യി​ക​ളാ​യി എ​ത്തു​ന്ന​ത്.

ഇ​നി കൊ​ച്ചി​യി​ൽ എ​ത്തി​യ​തി​നു ശേ​ഷം ത​മി​ഴ്നാ​ടും ക​ർ​ണാ​ട​ക​യും സ​ന്ദ​ർ​ശി​ച്ച​തി​നു ശേ​ഷം മ​ഹാ​രാ​ഷ്ട്ര​യി​ലെ​ത്തു​ക​യാ​ണ് ല​ക്ഷ്യം. യാ​ത്ര ചെ​യ്യു​ന്ന സ്ഥ​ല​ത്തെ​ല്ലാം ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​തും രോ​ഹ​ന്‍റെ പ്ര​ത്യേ​ക​ത​യാ​ണ്.