മാഡ്രിഡ്: ബ്രസീലിന്‍റെ മുൻ സൂപ്പർ താരം റൊണാൾഡീഞ്ഞോ വീണ്ടും ബാഴ്സയിലേക്കു വരുന്നു. കളിക്കാരനായല്ല. ക്ലബിന്‍റെ ബ്രാൻഡ് അംബാസിഡറായി. റൊണാൾഡീഞ്ഞോയുമായി കരാർ ഒപ്പിട്ടെന്ന് ബാഴ്സലോണ ക്ലബ് അധികൃതർ വെബ്സൈറ്റിലൂടെ അറിയിച്ചു. റൊണാൾഡിഞ്ഞോയുടെ സ്വീകാര്യത വരും വർഷങ്ങളിൽ ടീമിന് മുതൽക്കൂട്ടാകുമെന്നും ടീം മാനേജ്മെന്‍റ് അറിയിച്ചു.
സ്പാനിഷ് ലീഗിൽ 2004-05, 2005-06 സീസണുകളിൽ ക്ലബ്ബിനെ സ്പാനിഷ് ലാലിഗയിലും 2006 ലെ ചാന്പ്യൻസ് ലീഗ് കിരീടത്തിലേക്കും നയിച്ച താരമാണ് റൊണാൾഡീഞ്ഞോ. രണ്ടു തവണ ഫിഫ ഫുട്ബോൾ ഓഫ് ദ ഇയർ പുരസ്കാരവും ലഭിച്ചിട്ടുണ്ട്. 2008ലാണ് റൊണാൾഡീഞ്ഞോ ബാഴ്സ വിട്ട് എസി മിലാനിലേക്ക് കുടിയേറിയത്.
