ത​ല​ശേ​രി​യി​ലെ ബി​ടെ​ക് വി​ദ്യാ​ർ​ഥി​യു​ടെ മ​ര​ണം; പ്ര​തി​യു​ടെ ഉ​പ​ദേ​ശ​ക​ൻ പോ​ലീ​സ് ഉ​ദ്യോ​ഗ​സ്ഥ​ൻ; പ്ര​തി റൂ​ബി​നെതിരേ ലു​ക്ക്ഔ​ട്ട് നോ​ട്ടീ​സ്;  പ്ര​തി​യെ തേ​ടി പോ​ലീ​സ് ക​ർ​ണാ​ട​ക​യി​ലും ആ​ന്ധ്ര​യി​ലും

rന​വാ​സ് മേ​ത്ത​ർ
ത​ല​ശേ​രി: ബ​ലി​പെ​രു​ന്നാ​ൾ ത​ലേ​ന്ന് ബി​ടെ​ക് വി​ദ്യാ​ർ​ഥി​യാ​യ താ​ഴെ ച​മ്പാ​ട് എ​ഴു​ത്തു​പ​ള്ളി​യി​ൽ ആ​മി​നാ​സി​ലെ അ​ഫ്‌​ലാ​ഹ് ഫ​റാ​സി​നെ വാ​ഹ​ന​മി​ടി​ച്ചു കൊ​ല​പ്പെ​ടു​ത്തി​യ ന​ര​ഹ​ത്യ കേ​സി​ലെ പ്ര​തി ഉ​ക്കാ​സ് മൊ​ട്ട​യി​ലെ ഉ​മ്മേ​ഴ്സി​ൽ റൂ​ബി​നെ (19) തി​രെ ത​ല​ശേ​രി പോ​ലീ​സ് ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ചു.

പ്ര​തി​യെ തേ​ടി സി​ഐ കെ.​സ​ന​ൽ കു​മാ​ർ, എ​എ​സ് ഐ ​സ​ഹ​ദേ​വ​ൻ, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ സു​ജേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക പോ​ലീ​സ് സം​ഘം ആ​ന്ധ്ര​യി​ലേ​ക്കും ക​ർ​ണാ​ട​ക​യി​ലേ​ക്കും തി​രി​ച്ചു.

ക​ഴി​ഞ്ഞ മാ​സം 27 ന് ​പ്ര​തി റൂ​ബി​ൻ ഒ​മ​ർ ബെ​ലേ​നൊ കാ​റി​ൽ ക​ർ​ണാ​ട​ക അ​തി​ർ​ത്തി ക​ട​ന്ന​താ​യി പോ​ലീ​സ് ക​ണ്ടെ​ത്തി​യി​രു​ന്നു. റു​ബി​ൻ ബം​ഗ​ളൂ​രു വ​ഴി ഹൈ​ദ​രാ​ബാ​ദി​ലേ​ക്കു ക​ട​ന്ന​താ​യി​ട്ടാ​ണ് പോ​ലീ​സി​ന് ല​ഭി​ച്ചി​ട്ടു​ള്ള സൂ​ച​ന.

ഈ ​റൂ​ട്ടി​ലെ പ്ര​ധാ​ന ചെ​ക്ക് പോ​സ്റ്റു​ക​ളി​ലെ​യെ​ല്ലാം സി​സി ടി​വി ദൃ​ശ്യ​ങ്ങ​ൾ ശേ​ഖ​രി​ച്ച് കൊ​ണ്ടാ​ണ് പോ​ലീ​സ് മു​ന്നോ​ട്ടു നീ​ങ്ങു​ന്ന​ത്.

പോലീസ് ഉദ്യോഗസ്ഥൻ
പ്ര​തി​ക്ക് പോ​ലീ​സി​നെ വെ​ട്ടി​ച്ച് ര​ക്ഷ​പ്പെടാ​ൻ ഉ​പ​ദേ​ശം ന​ൽ​കു​ന്ന​ത് പ്ര​തി​യു​ടെ കു​ടും​ബ​വു​മാ​യി അ​ടു​ത്ത ബ​ന്ധ​മു​ള്ള പോ​ലീ​സ് ഉ​ദ്യോ​ഗ​സ്ഥ​നാ​ണെ​ന്ന ആ​രോ​പ​ണ​വും ഉ​യ​രു​ന്നു​ണ്ട്. കോ​ഴി​ക്കോ​ട്, മ​ല​പ്പു​റം ജി​ല്ല​ക​ൾ കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന ഈ ​ഉ​ദ്യോ​ഗ​സ്ഥ​ന്‍റെ ഇ​ട​പെ​ട​ലു​ക​ളെ​ക്കു​റി​ച്ച് പ്ര​തി​യു​ടെ ദേ​ശ​വാ​സി​ക​ളാ​ണ് ആ​രോ​പ​ണം ഉ​ന്ന​യി​ക്കു​ന്ന​ത്.

പ്ര​തി​യെ ര​ക്ഷി​ക്കാ​നു​ള്ള ഈ ​ഉ​ദ്യോ​ഗ​സ്ഥ​ന്‍റെ ഇ​ട​പെ​ട​ൽ സം​ബ​ന്ധി​ച്ച് ഇ​ന്‍റ​ലി​ജ​ൻ​സ് വി​ഭാ​ഗം ആ​ഭ്യ​ന്ത​ര വ​കു​പ്പി​ന് റി​പ്പോ​ർ​ട്ട് ന​ൽ​കു​മെ​ന്നും വി​വ​രം ല​ഭി​ച്ചി​ട്ടു​ണ്ട്. ഇ​ന്ന​ലെ പ്ര​തി​യു​ടെ പാ​നൂ​ർ, മ​ത്തി​പ​റ​മ്പ് പ്ര​ദേ​ശ​ങ്ങ​ളി​ലെ ബ​ന്ധു​വീ​ടു​ക​ളി​ലും പോ​ലീ​സ് റെ​യ്ഡ് ന​ട​ത്തി.

എംപി വീട്ടിലെത്തി
ഇ​തി​നി​ട​യി​ൽ കെ.​മു​ര​ളീ​ധ​ര​ൻ എം​പി കൊ​ല്ല​പ്പെ​ട്ട ഫ​റാ​സി​ന്‍റെ വീ​ട് സ​ന്ദ​ർ​ശി​ച്ചു. സം​ഭ​വം ന​ട​ന്ന് ഇ​രു​പ​ത്തി​യ​ഞ്ച് ദി​വ​സം പി​ന്നി​ട്ടി​ട്ടും പ്ര​തി​യെ പി​ടി​ക്കാ​ത്ത​തു സം​ബ​ന്ധി​ച്ച് ഫ​റാ​സി​ന്‍റെ ബ​ന്ധു​ക്ക​ൾ എം​പി​യോ​ട് പ​രാ​തി പ​റ​യു​ക​യും നി​വേ​ദ​നം ന​ൽ​കു​ക​യും ചെ​യ്തു.

ന​ര​ഹ​ത്യ കേ​സി​ലെ പ്ര​തി​യെ ഒ​ളി​വി​ൽ പാ​ർ​പ്പി​ച്ചു​വെ​ന്നു പോ​ലീ​സ് സം​ശ​യി​ക്കു​ന്ന കു​യ്യാ​ലി​യി​ലെ ബ​ന്ധു​വി​ന് ഹൃ​ദ​യ​സം​ബ​ന്ധ​മാ​യ അ​സു​ഖ​മു​ള്ള​താ​യി കാ​ണി​ച്ച് സ​ർ​ട്ടി​ഫി​ക്ക​റ്റ് ന​ൽ​കി​യ ഡോ​ക്ട​റെ പോ​ലീ​സ് ചോ​ദ്യംചെ​യ്യും. ഹൃ​ദ്‌​രോ​ഗി​യാ​ണെ​ന്നും 15 ദി​വ​സം പൂ​ർ​ണ വി​ശ്ര​മം ആ​വ​ശ്യ​മാ​ണ​ന്നു​മാ​ണ് ഡോ​ക്ട​ർ ന​ൽ​കി​യ സ​ർ​ട്ടി​ഫി​ക്ക​റ്റി​ലു​ള​ത്.

എ​ന്നാ​ൽ, സ​ർ​ട്ടി​ഫി​ക്ക​റ്റ് ല​ഭി​ച്ച​യാ​ൾ എ​ല്ലാ ദി​വ​സ​വും ന​ഗ​ര​ത്തി​ലൂ​ടെ വാ​ഹ​ന​ത്തി​ൽ ക​റ​ങ്ങു​ന്ന​തി​ന്‍റെ സി​സി​ടി വി ​ദൃ​ശ്യ​ങ്ങ​ൾ പോ​ലീ​സ് ശേ​ഖ​രി​ച്ചി​രു​ന്നു.

പൂ​ർ​ണ ആ​രോ​ഗ്യ​ത്തോ​ടെ കാ​ണ​പ്പെ​ട്ട ഇ​യാ​ൾ​ക്ക് പൂ​ർ​ണ വി​ശ്ര​മം നി​ർ​ദ്ദേ​ശി​ച്ച് സ​ർ​ട്ടി​ഫി​ക്ക​റ്റ് ന​ൽ​കി​യ ഡോ​ക്ട​റെ നി​യ​മ​ത്തി​ന് മു​ന്നി​ൽ കൊ​ണ്ടു വ​രു​മെ​ന്ന് പോ​ലീ​സ് പ​റ​ഞ്ഞു. ജൂ​ലൈ 20 ന് ​രാ​ത്രി​യാ​ണ് ഫ​റാ​സ് കൊ​ല്ല​പ്പെ​ട്ട​ത്.