വിവാഹ ചടങ്ങില്‍ വ്യത്യസ്തകള്‍ കൊണ്ടു വരാന്‍ ആഗ്രഹിക്കുന്നവരാണ് എല്ലാവരും. പാസ്ത മുതല്‍ ലൈവ് പിസ കൗണ്ടര്‍ വരെ ഒരുക്കിയ പല വിവാഹ വിരുന്നുകളും നമ്മള്‍ കണ്ടിട്ടുണ്ട്.
ഇപ്പോഴിതാ ലൈവ് റൊട്ടി കൗണ്ടര്‍ അവതരിപ്പിച്ച് വൈറലായി മറ്റൊരു കല്യാണ വിരുന്ന്. വിവാഹ വിരുന്നിനെത്തിയ അതിഥികള്‍ സ്വയം റൊട്ടി പാകം ചെയ്യുന്ന വീഡിയോ ആണ് സമൂഹമാധ്യമങ്ങളില്‍ വൈറലായിരിക്കുന്നത്. ക്ഷണം സ്വീകരിച്ചെത്തിയ അതിഥികള്‍ റൊട്ടി പാകം ചെയ്യുന്ന വീഡിയോ കാഴ്ചക്കാരെ അമ്പരപ്പിച്ചു.
വിവാഹ വേദിയിലെ മുഖ്യ ആകര്‍ഷണമായി മാറിയിരിക്കുകയാണ് ലൈവ് റൊട്ടി കൗണ്ടര്‍. ആളുകള്‍ക്ക് ഇഷ്ടാനുസരണം സ്വന്തം പൊടികയ്കളും ചേര്‍ത്ത് ഭക്ഷണം പാകം ചെയ്യാനുള്ള അവസരം ഒരുക്കിയ വിവാഹ വിരുന്നാണ് സമൂഹമാധ്യങ്ങളിലെ താരം. ചെലവേറിയ പരമ്പരാഗത കല്യാണ വിരുന്നുകള്‍ക്ക് ഇനി വിട.
വ്യത്യസ്തമായ തീം പരീക്ഷിച്ച കല്യാണ വിരുന്ന് അതിഥികള്‍ക്ക് മറക്കാനാവാത്ത ഓര്‍മ്മയായിരിക്കും. വൈറലായ കല്യാണ വിരുന്നിന് ആരാധകരേറുന്നു. സമൂഹമാധ്യമങ്ങളിലുടെ വീഡയോ പങ്കു വച്ചും രസകരമായ കമന്‍റുകള്‍ പോസ്റ്റ് ചെയ്തും കല്യാണ വിരുന്നിനെ സ്വീകരിച്ച് സൈബര്‍ ലോകം. കൗതുകരമായ ഈ കാഴ്ച കല്യാണ വിരുന്നുകളില്‍ ആവര്‍ത്തിക്കപ്പെടുമോ ഇല്ലയോ എന്ന് കാത്തിരുന്ന് കാണാം. വീഡിയോ കാണാൻ ഇവിടെ ക്ലിക് ചെയ്യുക.
