വെള്ളറട: അമ്പൂരി ചാക്കപ്പാറയില്‍ യൂത്ത് കോണ്‍ഗ്രസിന്‍റെ കൊടി പുനഃസ്ഥാപിക്കുന്നതിനിടെ ആതിവാസികളായ നാല് യൂത്ത് കോണ്‍ഗ്രസ് പ്രവര്‍ത്തകര്‍ക്ക് വെട്ടേറ്റ സംഭവത്തിൽ രണ്ട് ആർഎസ്എസ് പ്രവർത്തകർ പിടിയിലായതായി സൂചന. യൂത്ത് കോണ്‍ഗ്രസ് യൂണിറ്റ് പ്രസിഡന്‍റ് അഖില്‍ (24), മണ്ഡലം വൈസ് പ്രസിഡന്‍റ് സുമത രാജ് (40) മണ്ഡലം സെക്രട്ടറി അനീഷ് (25), വിജീഷ് (22) എന്നിവർക്കാണ് വെട്ടേറ്റത്.
ആശുപത്രിയില്‍ ചികില്‍സയില്‍ കഴിയുന്ന യൂത്ത് കോണ്‍ഗ്രസ് പ്രവര്‍ത്തകരെ ഡി സി സി പ്രസിഡന്‍റ് നെയ്യാറ്റിന്‍കര സനല്‍, എ ഐ സി സി അംഗം ആന്‍ സജിതാ റസ്സല്‍, സോളമന്‍ അലക്സ് തുടങ്ങിയവര്‍ സന്ദര്‍ശിച്ചു. നെയ്യാര്‍ഡാം പോലീസ് ആശുപത്രിയില്‍ ചികില്‍സയില്‍ കഴിയുന്നവരില്‍ നിന്നും മോഴിയെടുപ്പ്നടത്തി.
അക്രമികളേ പോലീസ്സ് സംരക്ഷിക്കുകയാണെന്ന് കോണ്‍ഗ്രസ് അന്പൂരി മണ്ഡലം പ്രസിഡന്‍റ് തോമസ് മംഗലശേരി പറഞ്ഞു. അക്രമികൾക്കെതിരേ നിയമ നടപടി സ്വീകരിച്ചില്ലങ്കില്‍ ശക്തമായ പ്രതിഷേധപരിപാടികള്‍ സംഘടിപ്പിക്കുമെന്ന് ഡി സി സി പ്രസിഡന്‍റ് മുന്നറിയിപ്പ് നല്‍കി.
