റു​ബി​ക്സ് ക്യൂ​ബു​ക​ളു​ടെ കൂ​ട്ടു​കാ​ര​ൻ ലോ​ക റെ​ക്കോ​ർഡി​നൊ​രു​ങ്ങു​ന്നു; മണ്ണഞ്ചേരി മിഥുനത്തിൽ മിഥുന്‍റെ തലകീഴായുള്ള റു​ബി​ക്സ് ക്യൂ​ബ് സോ​ൾ​വി​ങ്ങി​ന്‍റെ ലോ​ക റെ​ക്കോ​ർഡി​നായി കണ്ണും നട്ട് നാട്ടുകാരും

ആ​ല​പ്പു​ഴ: ബു​ദ്ധി​യു​ടെ​യും ഏ​കാ​ഗ്ര​ത​യു​ടെ​യും വേ​ദി​യാ​യ റു​ബി​ക്സ് ക്യൂ​ബ് സോ​ൾ​വി​ങ്ങി​ൽ വേ​റി​ട്ട വ​ഴി​യി​ലൂ​ടെ ലോ​ക റെ​ക്കോ​ർഡി​നൊ​രു​ങ്ങു​ക​യാ​ണ് ഒ​രു ബി​രു​ദ വി​ദ്യാ​ർ​ഥി. മ​ണ്ണ​ഞ്ചേ​രി പ​ഞ്ചാ​യ​ത്ത് ക​ല​വൂ​ർ മി​ഥു​ന​ത്തി​ൽ മി​ഥു​ൻ ത​ല കീ​ഴാ​യി കി​ട​ന്ന് പ​ര​മാ​വ​ധി ത​വ​ണ റു​ബി​ക്സ് ക്യൂ​ബ് ക്ര​മ​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ്.

മി​ഥു​ന്‍റെ ശ്ര​മ​ങ്ങ​ളെ വി​ല​യി​രു​ത്തി അം​ഗീ​കാ​രം ന​ൽ​കാ​ൻ ഗി​ന്ന​സ് റെ​ക്കോർ​ഡ് ടീം ​ഞാ​യ​റാ​ഴ്ച ആ​ല​പ്പു​ഴ​യി​ൽ മ​ത്സ​രം ന​ട​ത്തും. ക​ഴി​ഞ്ഞ മൂ​ന്ന് വ​ർ​ഷ​മാ​യി ഈ ​പ​തി​നാ​റു​കാ​ര​ൻ റു​ബി​ക്സ് ക്യൂ​ബു​ക​ളു​ടെ ലോ​ക​ത്താ​ണ്. താ​ല്പ​ര്യം തോ​ന്നി​യ​ത് മു​ത​ൽ ഇ​ന്‍റ​ർ​നെ​റ്റി​ലൂ​ടെ ക്യൂ​ബു​ക​ളു​ടെ കൂ​ടു​ത​ൽ വി​ദ്യ​ക​ളും സാ​ധ്യ​ത​ക​ളും അ​റി​ഞ്ഞു. പി​ന്നെ അ​വ സ്വ​യം ചെ​യ്യാ​നു​ള്ള ശ്ര​മ​മാ​യി. ഈ ​മേ​ഖ​ല​യി​ലു​ള്ള സം​ഘ​ട​ന​ക​ളു​മാ​യി ബ​ന്ധ​പ്പെ​ട്ടു.

പ​ഠ​ന​ത്തോ​ടൊ​പ്പം ക​ഠി​ന​മാ​യ പ​രി​ശീ​ല​നം. അ​തി​നി​ട​യി​ലാ​ണ് ത​ല കീ​ഴാ​യി കി​ട​ന്നു​ള്ള റു​ബി​ക്സ് ക്യൂ​ബ് സോ​ൾ​വി​ങ്ങി​ന്‍റെ ലോ​ക റെ​ക്കോ​ർഡി​നെ​ക്കു​റി​ച്ച് അ​റി​ഞ്ഞ​ത്. അ​തി​ലേ​ക്ക് ശ്ര​ദ്ധ വ​ച്ച​തോ​ടെ റെ​ക്കോ​ർഡ് മ​റി​ക​ട​ക്ക​ണ​മെ​ന്ന ല​ക്ഷ്യം മ​ന​സ​ിൽ വ​ച്ചു​ള്ള പ​രി​ശീ​ല​നം തു​ട​ങ്ങിയത് ഒ​രു വ​ർഷം മു​ൻ​പാ​ണ്.

നി​ല​വി​ൽ 26 ത​വ​ണ​യാ​ണ് ലോ​ക റെ​ക്കോ​ർഡ്. അ​ര മ​ണി​ക്കൂ​ർ കൊ​ണ്ട് 60 ത​വ​ണ​യാ​ണ് മി​ഥു​ന്‍റെ ല​ക്ഷ്യം. പ​രി​ശീ​ല​ന​ത്തി​ന്‍റെ ഭാ​ഗ​മാ​യി ത​ല കീ​ഴാ​യി കി​ട​ക്കു​ന്പോ​ൾ കാ​ലി​ന്‍റെ വേ​ദ​ന കൂ​ടി​യ​പ്പോ​ൾ ശ്ര​മം പാ​തി​വ​ഴി​യി​ൽ നി​ർ​ത്തി​വ​യ്ക്കേ​ണ്ടി വ​ന്നു.

കു​റ​ച്ചു നാ​ള​ത്തെ വി​ശ്ര​മ​ത്തി​നൊ​ടു​വി​ൽ വീ​ണ്ടും അ​പേ​ക്ഷ ന​ൽ​കി പ​രി​ശീ​ല​നം ആ​രം​ഭി​ച്ചു. ഇ​തി​ന് നാ​ളെ ന​ട​ക്കു​ന്ന മ​ത്സ​ര​ത്തി​ൽ ഫ​ലം ല​ഭി​ക്കു​മെ​ന്ന ശു​ഭ പ്ര​തീ​ക്ഷ​യി​ലാ​ണ് മി​ഥു​ൻ. റു​ബി​ക്സ് ക്യൂ​ബു​ക​ളു​ടെ ഒ​രു ഓ​ണ്‍​ലൈ​ൻ ഷോ​പ്പും ഈ ​കൊ​ച്ചു മി​ടു​ക്ക​ൻ ആ​രം​ഭി​ച്ചി​ട്ടു​ണ്ട്. ആ​ല​പ്പു​ഴ നാ​ഷ​ണ​ൽ കോ​ള​ജി​ൽ ഒ​ന്നാം വ​ർ​ഷ വി​ദ്യാ​ർ​ഥി​യാ​യ മി​ഥു​ൻ, ഡി​സൈ​നിം​ഗ് രം​ഗ​ത്തു ജോ​ലി ചെ​യ്യു​ന്ന രാ​ജീ​വ് ബോ​ബി ദ​ന്പ​തി​ക​ളു​ടെ മ​ക​നാ​ണ്.